@omarsamara515: أحزنتا على نفسنا وأحرجتنا وطلعنا بعيد جدا يا عم عوض عم عوض أبكى مصر كلها الليلة لما شارك في برنامج #دولة_التلاوة وعنده ٩١ سنة.. وما شاء الله على مكافأة ربنا لما يكافيء اللي بيتاجر معاه.. قالهم أنا بقالي يومين منتمتش ودعيت ربنا يسترني قدام لجنة التحكيم. قرأ القرآن بأعظم ما يكون.. خشوع وعظمة ما بعدها عظمة.. قام وزير الأوقاف طلع له باس على راسه.. قام الداعية مصطفى حسني طلع له باس على إيده. ابن محافظة البحيرة مركز أبوحمص.. أبكى كل الموجودين في الاستديو.. أبكى مشاهدي البرنامج.. أبكى كل اللي شافه.. وبعد ما دعا ربنا يستره قدام اللجنة.. لجنة التحكيم بما فيها وزير الأوقاف طلبت منه يدعي لها ربنا يسترها. اشتغل لربنا فربنا ستره وجبر خاطره وخلانا احنا نشوف نفسنا بعيد جدا وغرقانين في مشاكل وترندات تافهة وطالعين بناس تافهة وقليلة جدا للسما. بكى بكاء هستيري في حضن وزير الأوقاف وقاله: كدة كتير عليا يارب 🤲 كدة كتير عليا يارب.. شكرا يارب. حضرتك مش ربنا سترك بس ياعم عوض.. ده حضرتك أحرجتنا قدام نفسنا إننا فعلا بعيد وبعيد جدا ومش قادرين نكون نقطة في بحر جمال قلبك ♥️ الجمال والقدوة والمثل والترند الصح.. الجد عوض ♥️
