وحيد الميدان.. من تكلّبت عليه الدنيا وبقى شامخاً تدري.. اكو فرق كبير بين شخص يمر بضيقة عابرة، وبين شخص تكلّبت عليه الدنيا بكل ما بيها، وصارت الناس، والظروف، وحتى القريب والغريب ضده.. هذا مو بس يحترب، هذا ينصنع من جديد بنار الصبر والقهر. التمّت عليه السوّاح والشناط، وصارت من كل جهة؛ اللي تعب بيوم وشالته إيده نسى الوقفة، واللي ضحى بحياته صار يرمي بحجارة. صار بوجه عاصفة هوجاء من العداء، وكأنما العالم كله متفق عليه يريد يكسر شوكته وينزل راسه. اللي يسوى واللي ما يسوى صار يحكي، والكل تخلّى عنه بساعة الصفر. بقا مثل «الذيب» بوحده، داير ميدايره قطيع يتربص بكل خطوة، ينتظرون يطيح حتى ينهشون بلحمه. بس هو؟ ظل صامد ما حنى راسه، ولا استجدى نظرة عطف أو موقف من أحد. عرف زين إن الوحدة ويا الحق شرف عظيم ما ينقاس بثمن، وإن الكثرة عمرها ما صنعت حق، والزلم الحقيقية ما تبين إلا بيوم العوز والوحدة. ظنّوا بكسرهم إياه راح ينتهي، وما دروا إن الوحدة هي المصفاية اللي تطلع معدن الزلم الصافي.. طلع من هذي العاصفة أقوى، وأكثر شموخاً، وترك للزمن حكاية يرووها عن شخص واكف بوجه الكل وما انكسر! #ابو_سعديه #حربكه✌️✈️ #مدينه_الصدر #الشعله_الصدرين #ابوسعديه🦅 - @01f74