අපි බෞද්ධයෝ… ඒත් අපේ ජීවිතවල ප්‍රඥාවට තිබෙන තැන කොතැනද? 🙏 බඩ පිරවීමට වඩා ප්‍රඥාවෙන් ජීවිතය පුරවාගැනීම වැදගත් නොවේද? බුදු සසුනේ ප්‍රඥාවන්තයන් අතර අග්‍රස්ථානය හිමි වූයේ සැරියුත් මහරහතන් වහන්සේටයි. නමුත් අපේ බෞද්ධ ජීවිත දෙස මොහොතක් හැරී බලමු. අපේ නිවෙස්වල අපි වන්දනාමාන කරන්නේ කුමන අරමුණකින්ද? අපේ සිතේ වැඩි ඉඩක් වෙන් වී තිබෙන්නේ ප්‍රඥාවටද? ලෞකික සැප සම්පත් හා බලාපොරොත්තුවලටද? සීවලී මහරහතන් වහන්සේගේ රූපය නිවසේ තබා සෞභාග්‍යය බලාපොරොත්තු වන අපි, ප්‍රඥාවට අග්‍ර වූ සැරියුත් මහරහතන් වහන්සේගේ උතුම් ගුණ සිහි කිරීමටත් එවැනිම උනන්දුවක් දක්වනවාද? මෙම ධර්ම දේශනාව තුළින් හින්දු දේව පුරාණයේ එන කතාවක් ඇසුරින් ප්‍රඥාව පිළිබඳ වෙනස්ම කෝණයකින් සිතන්නට අපට ආරාධනා කරනවා. මෙහි අරමුණ කිසිදු ආගමකට අපහාස කිරීම නොවෙයි. අපේම බෞද්ධ ජීවිතයේ සැබෑ ප්‍රමුඛතා මොනවාදැයි විමසා බැලීමයි. මොහොතක් සිතා බලන්න… අපි බුදු දහමට ළං වන්නේ ලෞකික ලාභ බලාපොරොත්තුවෙන්ද? නැත්නම් ප්‍රඥාව අවදි කරගෙන නිවන් මඟ අවබෝධ කරගැනීමේ අරමුණින්ද? සැරියුත් මහරහතන් වහන්සේගේ ප්‍රඥාව, කරුණාව සහ උතුම් ගුණ සිහි කරමින් අපේ ජීවිතය දෙස නැවත හැරී බලමු. 🙏 බඩට ලොල් නොවී ප්‍රඥාවට ලොල් වෙමු. 🙏 ලෞකික බලාපොරොත්තු පමණක් නොව, ලෝකෝත්තර අවබෝධයත් සොයා යමු. ඔබටත් සිතන්නට යමක් ඉතිරි කළ මේ ධර්ම දේශනාව තවත් කෙනෙකුට අසන්නට Share කරන්න. ඔබේ අදහසත් Comment එකකින් ලියන්න. #සැරියුත්මහරහතන්වහන්සේ #ප්‍රඥාව #බුදුදහම #බෞද්ධජීවිතය #ධර්මදේශනා - @sankagalahena