@xebericmali: Bakıda Azərbaycan Tibb Universitetinin (ATU) 17 yaşlı tələbəsi yataqxanada ölü tapılıb. "Xebericmali.com" "APA"ya istinadən xəbər verir ki, hadisə noyabrın 14-də universitetin Nəsimi rayonu ərazisində yerləşən tələbə yataqxanasında qeydə alınıb. Məlumatına görə, ATU-nun Müalicə-profilaktika fakültəsinin birinci kurs tələbəsi Elvira Eyyubova yaşadığı yataqxananın hamam otağında həyatını itirib. İlkin məlumata əsasən, 17 yaşlı tələbənin buxardan boğularaq öldüyü bildirilir. Onun meyitini birlikdə yaşadığı bacısı aşkarlayıb. Hadisə ilə bağlı TƏBİB-dən bildirilib ki, noyabrın 14-də saat 15:00 radələrində Respublika Təcili və Təxirəsalınmaz Tibbi Yardım Mərkəzinə Azərbaycan Tibb Universitetinin yataqxanasından çağırış daxil olub. Çağırış ünvanına dərhal təcili tibbi yardım briqadası göndərilib. “Təcili tibbi yardım briqadası tərəfindən bir nəfər qadının həkiməqədər ölüm faktı qeydə alınıb”, – açıqlamada qeyd olunub. Tələbənin meyiti müayinə olunması üçün Məhkəmə-Tibbi Ekspertiza və Patoloji Anatomiya Birliyinə təhvil verilib. Faktla bağlı araşdırma aparılır.

Xeber İcmalı

Open In TikTok:

Region: AZ

Sunday 15 November 2026 07:01:23 GMT