#رزق دینے والا اللہ ہے، کسی انسان کو کسی دوسرے انسان کی عزت چھیننے کا حق نہیں! آئے اللہ! اپنے بندوں کو اتنا رزق عطا فرما کہ انہیں کسی کے دروازے پر، کسی کی محفل میں اور کسی کے سامنے اپنی بھوک اور مجبوری کی وجہ سے شرمندہ نہ ہونا پڑے۔ کیونکہ یا اللہ! تیرے بعض بندے بھوکوں کو کھانا تو کیا کھلائیں گے، اگر کوئی بھوکا اپنے ہاتھ سے نوالہ اٹھا بھی لے تو اس کی عزت نفس بھی چھین لیتے ہیں۔ ایک شادی کی تقریب ہے، خوشیوں کا سماں ہے، دسترخوان سجا ہوا ہے، لوگ طرح طرح کے کھانوں سے لطف اندوز ہو رہے ہیں۔ اسی محفل میں ایک شخص بھی آ بیٹھا، جسے شاید کسی نے دعوت نہیں دی تھی۔ وہ بھی انسان تھا، اسے بھی بھوک لگی تھی۔ اس نے سوچا ہوگا کہ اتنے بڑے دسترخوان پر ایک دو نوالے کھا لینے سے کسی کا کیا کم ہو جائے گا؟ وہ خاموشی سے بیٹھا کھانا کھانے لگا۔ اچانک ایک داڑھی والا شخص آتا ہے اور نہایت حقارت کے ساتھ اس کے ہاتھ سے کھانے کی پلیٹ کھینچ لیتا ہے۔ ذرا سوچیے! اس لمحے اس بھوکے انسان کے دل پر کیا گزری ہوگی؟ وہ شخص شرمندہ بھی ہوتا ہے، ہنستا بھی ہے، شاید اس لیے کہ اپنے آنسوؤں کو چھپا سکے۔ اس کے چہرے کی مسکراہٹ کے پیچھے کتنی بے بسی، کتنی شرمندگی اور کتنی ٹوٹی ہوئی خودداری چھپی ہوگی، یہ صرف وہی جانتا ہے۔ افسوس! ہم نے انسان کی بھوک سے زیادہ اس کی حیثیت کو اہمیت دے دی ہے۔ ہم یہ بھول گئے کہ رزق کا مالک نہ میزبان ہے، نہ مہمان اور نہ ہی دسترخوان پر بیٹھا کوئی دوسرا انسان۔ رزق دینے والی ذات صرف اللہ کی ہے۔ - @zaheer.ud.din93