@btvxebercom: BTV Xəbər bildirir ki, Fransadan idarə olunduğu bildirilən “YouTube” kanalında Gədəbəy rayonunun Söyüdlü kəndi və ətraf yaşayış məntəqələrinin qızıl hasilatı məqsədilə boşaldılacağı barədə yayılan məlumatlara Media və Yayım Şurası münasibət bildirib. Şuranın açıqlamasında bu iddiaların tamamilə əsassız olduğu və ictimai rəyi manipulyasiya etməyə yönəldiyi vurğulanıb. Bildirilib ki, sözügedən materialda şayiə xarakterli məlumatlar dövlət səviyyəsində qəbul edilmiş qərar kimi təqdim olunur. Bunun əhali arasında təşviş yaratmaq, dövlət qurumlarına ictimai etimadı sarsıtmaq və cəmiyyətdə gərginliyi artırmaq məqsədi daşıdığı qeyd edilib. Şura məsələ ilə bağlı müvafiq platformaya rəsmi müraciət ünvanlandığını bildirib və şirkətin dezinformasiyanın yayılmasının qarşısını almaq üçün zəruri addımlar atacağına ümid etdiyini açıqlayıb. Media və Yayım Şurası ictimaiyyəti şayiələrə inanmamağa, media subyektlərini və sosial şəbəkə istifadəçilərini isə məlumatları aidiyyəti qurumların rəsmi açıqlamaları əsasında yoxlamağa çağırıb. Müəllif: Fatimə Əliyeva © 2026 BTV Xəbər. Bütün hüquqlar qorunur. 📞 Qaynar xətt: 060 212 03 03 ✉️ E-mail: [email protected] 🌐 www.btvxeber.com #btvxəbər #btv #btvxeber #Söyüdlü #Gədəbəy

BTV XƏBƏR

Open In TikTok:

Region: AZ

Sunday 15 November 2026 14:03:17 GMT