@ehabsabahalkhayr: بتمنى ربنا يكرمني بجلسة معاك آخدك لي رحلة بعيدة عن ضوضاء المدينة وزحمتها، لي حتة هادية على الشاطيء تتوقف في عقارب الزمان وتشدو فيها العصافير فرحة بقدومنا حتة يكون فيها الصمت هو لغة المكان حتي يفسح المجال لصدى همساتنا ورقة معانيها التي ترسم لوحة الود الأبدية حتي الطبيعة تشاركنا فيها بصوت الأشجار الوارفة وحركة غصونها تعبيرا عن امتنانها لطهارة وإحترام ما بيننا وتسجي من عبق زهورها عطرا يفوح بأريج البهجة يرتاد النسيم العليل باحة المكان يزيد الجلسة لطافة ويلامس الوجوه برقة، والنجوم فوقنا باينة زي اللآلئ في سماء صافية وإنتي الأميرة المتوهجة الزولة أنيقة زايدة حلاوة، الرقة ماشية في دمك والنداوة طاغية في كل تفصيلة فيك وجودك براه بيملأ المكان دفء وبهجة. القعدة ديك ما محتاجة كلام كتير، لأنه نظرة العيون براها بتختصر المسافات. ابتسامتك البسيطة بتطفي أي تعب، وصوتك الهادي وهو بيتكلم بيشبه خرير المياه وهديل الحمام نقعد نتأمل السكون ونسمع صوت النسيم وهو بيحرك الأشجار بحنية، كأنه حتى الطبيعة عارفة قيمة الزولة القاعدة دي وقاصدة تكرمها بالهدوء والسكينة. انتي ما بس أنيقة في مظهرك، لكن أنيقة في روحك، في مشيتك، في ضحكتك البتخليني احس إني مالك الدنيا دي كلها. كل حركة منك مليانة رقة، وكل التفاتة بتزيد المكان جمال وحلاوة هناك نجدد محبتنا وننسى دنيتنا جلسة انيقة في حتة بعيدة مكانا هاديء زولة أنيقة دمتى بخير يا وطني