@saraaalwari: 1 month of you 🩵 صارلك شهر بحياتنا 🩵 شهر كامل ونحنا عم نتعلم كيف نكون أم وأب… مو سهل أبدا، بس هالمرة التعب غير، تعب حلو وعم استمتع فيه رغم كل صعوباته 🩵 لأول مرة بحياتي عم جرب نوع حب مختلف، حب ما كنت بعرف إنو ممكن يكون بهالقوة… أنا حبيتك من قبل ما تجي عالدنيه، بس هلأ صرت مستعدة أعطيك روحي… شو حلو هالإحساس 🩵 شكرا لأنك نورت حياتنا، شكرا لأنك عطيتني فرصة كون أمك… ما بتتخيل قديش أنا ممتنة لوجودك بحياتي الحمدلله 🙏 ومو مصدقة كيف مر هالشهر بهالسرعة… يا ريت الوقت يبطئ شوي، لأني ما بدي ولا تفصيل ولا لحظة من لحظاتك الحلوة تروح علي. ماما وبابا بحبوك حب ما بينوصف، ومنوعدك إنو نعمل كل شي بإيدنا لنكون أحسن أم وأب إلك، ونضل دايما جمبك 🩵