@drmarwa.elbrolosy: البيبي بيعيط وانتي جرّبتي كل حاجة؟ اسمعيني… العياط ده طبيعي - العياط بيزيد في الأسابيع الأولى ويوصل لأعلاه حوالين ٦ أسابيع وبعدها بيقل - مغص حديثي الولادة (colic): ٣ ساعات أو أكتر في اليوم، ٣ أيام أو أكتر في الأسبوع، وغالبًا بالليل - وبيتحسّن لوحده غالبًا على ٣ أو ٤ شهور - ما تديش البيبي ينسون ولا كراوية ولا أعشاب ولا مية قبل ٦ شهور - أي نقط للمغص؟ اسألي دكتور الأطفال الأول - القماط الصح: مشدود على الصدر والدراعات وواسع عند الحوض، ونايم على ضهره دايمًا، وبطّليه أول ما يحاول يتقلّب - شيليه على صدرك، هزّيه بهدوء، قولي «ششش»، وطلّعي التكريعة أعصابك خلاص؟ حطّيه في سريره على ضهره واطلعي خدي نفسك كام دقيقة وعمرك ما تهزّي البيبي جامد كلّمي الدكتور لو العياط مختلف، أو معاه سخونية، أو ترجيع كتير، أو دم في البراز، أو مش بيرضع كويس البيبي مش محتاج أم مثالية، محتاج أم موجودة #مغص_الرضع #عياط_البيبي #القماط #حديثي_الولادة #صحة_الطفل