کشمیر کو قوم پرستی کا بھاشن دینے والوں سے ایک سیدھا سا سوال ہے:
اگر کسی مسلمان قوم یا علاقے کا اپنی سیاسی شناخت اور الگ ریاست کا مطالبہ کرنا اسلامی وحدت کے خلاف اور قوم پرستی ہے، تو پھر 1947ء میں پاکستان کا قیام کس اصول کے تحت ہوا؟
اس وقت افغانستان ایک مسلم ملک تھا، ایران مسلم ملک تھا، عراق مسلم ملک تھا، عرب کے بے شمار مسلم ممالک موجود تھے۔
تو پھر برصغیر کے مسلمانوں نے الگ ملک پاکستان کا مطالبہ کیوں کیا؟
پاکستان کا نام ’’عرب‘‘ کیوں نہیں رکھا گیا؟
اور قیامِ پاکستان کے بعد پاکستان نے افغانستان، ایران، عراق، سعودی عرب یا دوسرے مسلم ممالک کے ساتھ ایک ہی ریاست کیوں قائم نہیں کی؟
اصل حقیقت یہ ہے کہ مسلمانوں کا ایک امت ہونا اور مختلف مسلم ریاستوں کا موجود ہونا ایک دوسرے کی ضد نہیں۔
آج دنیا میں 57 ریاستیں اسلامی تعاون تنظیم (OIC) کی رکن ہیں۔ خود OIC کی فہرست میں پاکستان، ایران، افغانستان، سعودی عرب، عراق، اردن، آذربائیجان، ترکی، قطر، کویت، عمان، متحدہ عرب امارات، بحرین، یمن، مصر وغیرہ الگ الگ ریاستیں موجود ہیں۔
ذرا نقشہ دیکھیے:
وسطی ایشیا کی مسلم ریاستیں:
آذربائیجان، قازقستان، ازبکستان، ترکمانستان، تاجکستان، کرغزستان، ترکیہ۔
عرب خطے کی مسلم ریاستیں:
سعودی عرب، عراق، اردن، شام، لبنان، کویت، قطر۔
ان کے درمیان بین الاقوامی سرحدیں ہیں، الگ حکومتیں ہیں، الگ قوانین ہیں، الگ ریاستی ادارے ہیں۔
تو کیا ان تمام ریاستوں کے مسلمان ایک دوسرے سے دینی بھائی چارہ ختم کر چکے ہیں؟ نہیں۔
اسلام نے مسلمانوں کو ایک امت بنایا ہے، لیکن دنیا کے تمام مسلم علاقوں کو لازماً ایک ہی سیاسی ریاست میں تبدیل کرنے کا اصول ہر مسلمان ریاست کے وجود کو ختم کرنے کی شرط نہیں بناتا۔
لہٰذا اگر کوئی کشمیریوں سے کہتا ہے:
’’آپ الگ ریاست کی بات کرکے قوم پرست بن رہے ہیں، مسلمانوں کو تقسیم کر رہے ہیں‘‘
تو پھر یہی سوال پاکستان، سعودی عرب، ایران، ترکیہ، افغانستان، عراق اور باقی مسلم ریاستوں کے بارے میں بھی اٹھنا چاہیے۔
اگر الگ مسلم ریاست کا وجود ہی قوم پرستی اور اسلام دشمنی ہے، تو پھر دنیا کی 57 مسلم ریاستوں کا وجود کس اصول کے تحت ہے؟
اور ایک بات واضح ہونی چاہیے:
کشمیر کے سیاسی مستقبل پر اختلاف کیا جا سکتا ہے، پاکستان سے الحاق کی حمایت بھی کی جا سکتی ہے، لیکن صرف یہ کہنا کہ ’’کشمیری اپنی الگ سیاسی ریاست چاہتے ہیں، اس لیے وہ اسلام سے غداری کر رہے ہیں‘‘ ایک غیر ضروری دینی الزام ہے۔
اسلامی بھائی چارہ اپنی جگہ،
سیاسی حقِ خود ارادیت اپنی جگہ،
اور ریاستی شناخت اپنی جگہ۔
اسلامی امت کا تصور سرحدوں سے بڑا ہے؛ لیک
2026-11-15 22:58:46
0
To see more videos from user @kinzii.389, please go to the Tikwm
homepage.