@uhondo.tv: Baadhi ya abiria wametoa wito kwa madereva kuzingatia umuhimu wa kupumzika wanapohisi uchovu wakiwa safarini, wakisisitiza kuwa usalama wa abiria na watumiaji wengine wa barabara unapaswa kupewa kipaumbele. Abiria hao wametoa maoni hayo baada ya kupatiwa elimu ya usalama barabarani na Mkuu wa Kikosi cha Usalama Barabarani Mkoa wa Dodoma, SSP Yusuph Kamotta, wakati wa operesheni ya ukaguzi wa vyombo vya moto iliyofanyika usiku wa kuamkia leo. Wamesema dereva anapohisi uchovu anapaswa kusimamisha gari katika eneo salama na kupumzika kabla ya kuendelea na safari, wakieleza kuwa ni bora kuchelewa kufika wanakokwenda kuliko kuhatarisha maisha kutokana na uchovu unaoweza kusababisha ajali. #UhondoTVUpdates