@smahmudov1973: 🚨 TƏCİLİ KÖMƏK! AİDİYYƏTİ QURUMLARA VƏ İCTİMAİYYƏTƏ MÜRACİƏT Salam. Mən, Mahmudov Sabir, 20.07.1973-cü il təvəllüdlü, I qrup Qarabağ müharibəsi əlili olaraq sizə ağır sağlamlıq vəziyyətimlə bağlı müraciət edirəm. Çox xahiş edirəm, müraciətimi diqqətdə saxlayasınız və səsimin aidiyyəti qurumlara çatmasına köməklik göstərəsiniz. Qarabağ müharibəsində Vətən uğrunda bir ayağımı itirmişəm. Hazırda qaraciyər sirrozundan əziyyət çəkirəm. Digər ayağımda böyük və sağalmayan açıq yara var. Bundan əlavə, qarnımda maye yığılması səbəbindən vəziyyətim daha da ağırlaşıb. Sağlamlıq vəziyyətim günü-gündən pisləşir. Şiddətli ağrılarım var. Ev şəraitində istifadə etdiyim ağrıkəsicilər ağrılarımı azaltmır. Gündə ən azı 5 dəfə ağrıkəsici vurulmasına baxmayaraq, ciddi təsirini görmürəm. Sağlamlığımla bağlı dəfələrlə müxtəlif xəstəxanalara və dövlət qurumlarına müraciət etmişəm. Lakin hər dəfə Abşeron Rayon Mərkəzi Xəstəxanasına yönləndirilirəm. Orada isə müxtəlif səbəblər göstərilərək stasionar müalicəyə qəbul edilmir, başqa ixtisaslaşmış xəstəxanaya göndəriş verilmir. Həmin xəstəxanada qoyulan diaqnozlar digər xəstəxanalarda təsdiqlənmir və dəfələrlə geri qaytarılıram. Nəticədə lazımi tibbi yardım ala bilmirəm. Hər keçən gün səhhətim daha da ağırlaşır. Mən Vətən uğrunda sağlamlığımı itirmişəm. Bu gün isə özümün ən çətin anlarımda tibbi yardım almaq üçün mübarizə aparıram. Artıq nə edəcəyimi bilmirəm. Aidiyyəti dövlət qurumlarından və məsul şəxslərdən xahiş edirəm ki, vəziyyətimə təcili müdaxilə edilsin, hərtərəfli müayinə olunmağım, lazımi müalicə almağım və ixtisaslaşmış xəstəxanaya yerləşdirilməyim təmin edilsin. Xahiş edirəm, məni köməksiz qoymayın! Mən sadəcə vaxtında tibbi yardım almaq və sağlamlığım uğrunda mübarizə aparmaq istəyirəm. Səsimə səs olun, müraciətimi paylaşaraq aidiyyəti qurumların diqqətinə çatdırmağa kömək edin. Əvvəlcədən hər birinizə təşəkkür edirəm.
Sabir Mahmudov
Region: AZ
Monday 16 November 2026 03:38:48 GMT
Music
Download
Comments
There are no more comments for this video.
To see more videos from user @smahmudov1973, please go to the Tikwm
homepage.