ألشعر في معناه تسبق معانيه
بحضرة جناب اهل الوفا والبساله
ونا حضرت بسابق الشعر وبديه
دام ألشعر جايز بقوم الشكاله
الشيخ غالي والمشاعر تحييه
من سربة أهل المجد في كل حاله
فهد بسبع اجموع والاسم زاهيه
شيخ توارى وكل جمع زهاله
وحزة وجوده جسدت علم ماضيه
شيخ الزميل وكل حمل إرتكاله
أقف بقدر الود والاسم مغليه
والشعر ديوان العرب في مجاله
بقبال سخصه كاملات مباديه
برموز شمر ملحقت كل طاله
اللي لقاهم واضحات مباديه
أهل الظفر وهل الفخر وحتلاله
ان قلت وان ماقلت والمحتوى فيه
العز شمر بالمواقف رجاله
وشمر هل الطولات يوم المشاريه
بيوم الملاقا والضفر والبساله
وشمر عزاز القوم وقول وبديه
تاريخ والتاريخ مابه جهاله
وشمر صعاطير النداء في محاريه
لاصار وضع الوقت حاله وحاله
وشمر مطانيخ الكرم عند قاريه
خوذ الكلام اللي وصلك رساله
شمر مدار الجود والجود تعطيه
وقولت هلا للشمري من حلاله
وشمر دهات الطيب دايم تسويه
لاضرس مسار الحبل فوق المحاله
وشمر كبار صحونها من يضاهيه
وساع الطعون بيوم كل دراله
شمر مفاخرها من الصعب نحصيه
شمر لها بالطيب فعل وكاله
وشمر شغاميم الظفر في مجانيه
في حزة المطلوب تبقى عياله
شمر سناعيس السعد روس ووجيه
والشمري يعجبك حزة قباله
شمر لها بالزود والزود تكسيه
والشمري يفرق بميلة عقاله
شمر دهاة القوم والجود تقريه
والشمري رس الكرم جال جاله
{{صعفق الرسلاني}}
2026-11-16 06:12:16
0
To see more videos from user @mnsor.15, please go to the Tikwm
homepage.