Alloh taolo insonlarni yaratib ularga juda koʻp Paygʻambarlar yuborgan oxirgi Paygʻambar bu Muhammad sollallohu alayhi vasallamdir. Alloh har davrda insonlar uchun paygʻambarlar yubordi. Chunki, insonlarga Paygʻambarlar juda ham zarur. Alloh taolo insonlarga paygʻambar yaʼni elchisini yuborib insonlarning hayoti uchun zarur boʻlgan tʼoʻgʻri yashash yoʻlini insonlarga oʻrgatdi. Qaysiki insonlar Paygʻambarimiz Salolohu alayhi vasallam olib kelgan yoʻlni tanlasa u hayot tarzini chiroyli ravishda tartibga soladi. Ehtiyojlarini toʻgʻri qondiradi. Boshqa insonlari bilan boʻladigan aloqalarini ham toʻgʻri tartibga soladi. Qalb xotirjamligini topadi, inson sifatida hayot kechiradi. Biroq hamma ham paygʻambarlarga muhtoj ekanligini bilmaydi. Oʻzini hayot tarzini Alloh taolo yuborgan tartib qoidani nima ekanligini tushunib yetmasdan oʻz aqli bilan tartib qoida oʻylab topadi. Natijada insonning ojiz aqli bilan oʻylab topilgan tartib qoidalar insonlarning hayotini buzilishiga va notoʻgʻri hayot tarziga aylantirib qoʻyadi. Chunki inson tartib qoidani ishlab chiqishdan ojiz boʻlganligi uchun ham Alloh taolo insonlarga hayot tarzini tartibga soladigan yoki yaʼni toʻgʻri tartib qoidalarni yuborgan emasmi- di? Qaysi inson paygʻambarlarga muhtojligini tushunib yetmasa toʻgʻri hayot yoʻlini muammolarni yechimini va ehtiyojlarini tartibga soladigan toʻgʻri qonun qoidani hech qachon topa olmaydi.