@ranya.abu.baker: بتعرفوا أصعب حاجة في الأيام المتشابهة شنو؟ إنك تصحى كل يوم، تعمل نفس الحاجات، تقابل نفس التفاصيل، تتكلم في نفس المواضيع، وتنام بنفس الأسئلة الما لقت إجابة.. لحدي ما تحس إنك عايش الأيام، لكن ما حاسس بيها. مرات ما بنكون زعلانين، ولا في حاجة محددة مكسرة خاطرنا، لكن في شعور غريب كدا.. كأننا فقدنا الرغبة في كل حاجة، حتى الحاجات الكانت بتفرّحنا زمان. يمكن من كتر ما انشغلنا بإننا نكون موجودين للكل، نسينا نكون موجودين لنفسنا. من كتر ما أجلنا رغباتنا، بقينا ما عارفين نحن عايزين شنو، ومن كتر ما استحملنا ومشينا، نسينا إنو من حقنا نوقف ونسأل نفسنا: طيب وأنا؟ متين أعيش أنا؟ وأعتقد إنو تجاوز الأيام الخالية من الشغف ما بيبدأ بقرار كبير ولا بتغيير مفاجئ.. بيبدأ لما نرجع نسمع نفسنا، نديها حقها في الدلال، نعمل حاجات بنحبها من غير سبب، نفتح أبواب جديدة، ونسمح للحياة تفاجئنا بعيداً عن حساباتنا وتوقعاتنا. ما عايزين نعيش العمر كله في وضع الانتظار.. نستنى الظروف تتحسن، والمشاكل تنتهي، والناس تتغير، والوقت المناسب يجي. عايزين نتعلم نعيش حتى وسط النواقص، ونلقى لينا مساحة صغيرة نفرح فيها، ونفتكر إنو لسه جوانا أحلام تستحق المحاولة. يمكن نحن ما محتاجين حياة جديدة بقدر ما محتاجين نرجع نحس بالحياة البنعـيشها.. ونرجع نكون أصحاب نفسنا، ما مجرد أشخاص بيؤدوا واجباتهم كل يوم. إنتو آخر مرة حسيتوا فيها إنكم متحمسين لبكرة كانت متين؟ ❤️ من رانيا أبوبكر 🤍😇 عشان الكلام الجميل برضو عندو أصل.
كل يوم نسأل نفس السؤال متى اعيش؟ وللان لم أجد اجابة او بالاصح اهتدي للطريقة
حبيت كتابتك
2026-11-16 20:52:19
1
ميدو :
لم أعد متحمسه لأي شيء ولا أعرف متى آخر مرة كنت عندي شغف لهذه الحياة ؟لكن دائما بذكر نفسي ان رحمة ربنا وسعت كل شيء، ربما الأيام المتشابهة كانت فيها خير ولم نحس به
2026-11-18 08:38:16
1
أميرتو لمحمد ❤️ :
النص
2026-11-19 06:11:33
0
💊سوداني في غربة $$🇸🇩 :
مافي اتفضلو
2026-11-17 15:54:01
0
#الغزاال😇 :
نص نص ❤
يستحق الامعان والقراءة
2026-11-16 20:47:46
1
Aya Ghazy :
ممكن النص❤️🩹
2026-11-16 11:43:02
0
💞JØJØ💞 :
مااا عاااࢪفة بس دائماً ڪلامڪ يفووز بخطف قلبي❤❤❤♥بحس اي ڪلام بتڪتبي ڪااانووو لي يمثلني يمثل الحاااصل معااااي
2026-11-19 17:46:53
0
Maab💓 :
🥰🥰🥰
2026-11-19 12:41:11
1
شمس الدين 515💪🔥♥️ :
[عيون دامعة][عيون دامعة][عيون دامعة]
2026-11-17 11:49:01
0
💊سوداني في غربة $$🇸🇩 :
🥰🥰🥰
2026-11-17 15:53:40
0
awab اوبشي :
اقسم بالله حتي الاغاني الهنديه الانا بعشقها كلها بتختيها كده ف مكانها في تنسيق ما طبيعي في احساس أثناء ما انت بتقرا ومع الاغنيه كده ما طبيعي انتي مبالغه قممممه الوبعلي 🤦✋
2026-11-21 21:43:25
0
ودنسمه :
❤️❤️❤️
2026-11-22 05:55:02
0
To see more videos from user @ranya.abu.baker, please go to the Tikwm
homepage.