@shahmeeers: والدین کے دشمن کبھی اولاد کے خیر خواہ نہیں ہو سکتے، کیونکہ جو شخص آپ کے والدین کے خلاف دل میں نفرت، حسد اور بغض رکھتا ہو، وہ آپ کے لیے کبھی سچی محبت اور خلوص کیسے رکھ سکتا ہے؟ والدین وہ ہستیاں ہیں جن کی قربانیوں، دعاؤں اور محبت سے انسان کی زندگی سنورتی ہے۔ جو لوگ آپ کے والدین کی عزت برداشت نہیں کر سکتے، وہ درحقیقت آپ کی خوشیوں اور سکون کے بھی خیر خواہ نہیں ہوتے۔ یاد رکھیں! کچھ لوگ اولاد کے سامنے ہمدردی کا چہرہ پہن کر آتے ہیں، میٹھی باتیں کرتے ہیں، خیر خواہی کے دعوے کرتے ہیں، لیکن ان کے دل میں آپ کے والدین کے لیے نفرت چھپی ہوتی ہے۔ ایسے لوگوں کی نیت کو پہچاننا بہت ضروری ہے، کیونکہ ہر مسکراتا ہوا چہرہ مخلص نہیں ہوتا اور ہر ہمدردی کے پیچھے خیر خواہی نہیں ہوتی۔ اپنے والدین کی عزت کرنے والے بنیں، ان کے خلاف زہر اگلنے والوں کی باتوں میں آکر اپنے رشتوں کو کمزور نہ کریں۔ اختلاف ہر انسان کا حق ہے، مگر کسی کے والدین کی توہین کرنا اور پھر اس کی اولاد کا خیر خواہ بننے کا دعویٰ کرنا منافقت کے سوا کچھ نہیں۔ یاد رکھو! جو تمہارے والدین کی عزت نہیں کر سکتا، اسے تمہاری زندگی میں خیر خواہی کا دعویٰ کرنے کا بھی کوئی حق نہیں۔ کیونکہ والدین کی عزت کرنے والا ہی تمہارے رشتوں کی اصل قدر سمجھ سکتا ہے۔