KuraN_we_HadyS :
🏵️Günün hadis-i şerifi 🏵️326. Abdulla ibn Mesu’dyň aýaly Zeýneb Sakafiýeden (Allah ondan razy bolsun) rowaýat edilmegine görä, Pygamberimiz sallallahu aleýhi wesellem: “Eý, aýallar! Eger-de dakynyp ýören şaý-sepleriňizden hem bolsa, Allah ýolunda sadaka berjek boluň!” diýdi.
Şonda men (adamym) Abdulla ibn Mesu’dyň ýanyna gelip: “Siz bir eli ýuka, mätäç adam. Pygamberimiz sallallahu aleýhi wesellem bize sadaka bermekligi emr etdi. Siz baryp Ondan sorap görüň, eger size sadaka düşýän bolsa, men size berjek, ýogsa-da başgalara berjek” diýdim. Abdulla maňa: “Bar-da, özüň soraý” diýdi. Soňra men Pygamberimiz sallallahu aleýhi wesellemiň ýanyna bardym, Onuň gapysynyň öňünde Ensarylardan bir aýal edil meniňki ýaly mesele boýunça gelip garaşyp duran eken. Pygamberimiz sallallahu aleýhi wesellemiň haýbatyndan ýaňa içeri girmekden çekindik. Az wagtdan soň Bilal çykyp geldi. Biz oňa: “Pygamberimiz sallallahu aleýhi wesellemiň ýanyna bar-da, gapyda iki sany aýalyň garaşyp durandygyny habar ber, hem-de olaryň öz ärlerine we gol astyndaky ýetimlere beren sadakalary ýerine düşermi diýip sorap ber, ýöne biziň kimdigimizi welin habar beräýme!” diýdik.
Soňra Bilal Pygamberimiz sallallahu aleýhi wesellemiň ýanyna girip sorady. Pygamberimiz sallallahu aleýhi wesellem: “Olar kimler?” diýip sorady.
Bilal hem: “Ensarylardan bir aýal bilen Zeýneb” diýdi. Pygamberimiz sallallahu aleýhi wesellem: “Ol haýsy Zeýneb?” diýip sorady. Bilal: “Abdullanyň aýaly” diýdi. Pygamberimiz sallallahu aleýhi wesellem: “Eger olar şeýle etseler, birbada iki sogap gazanarlar. Biri garyndaşlyk gatnaşygyny saklan sogaby, beýlekisi bolsa sadaka sogabydyr” diýdi”
📌(Muttafakun aleýhi)
😊😊😊Imo KuraN_we_HadyS Kanalı'nı kullanıyorum. Bize katılmak için bağlantıya tıkla! https://s.channelcom.tech/jfIFXO?from=copy_link
2026-11-17 16:50:43