@walk.story: තව නොබෝ කාලයකින් පමණ මෙකී අවශේෂ මතකයන් බොහෝ හදවත් වලින් සමුගැනීමට නියමිතය..❤️🩹🖤 දශක ගණනාවක මතකය විනාඩියකට ජීවමාන කළෙමි..! මීට දශක ගානකට කලින් චිමිනි ලාම්පුව ලන්තෑරුම් මැන්ටල් ලාම්පු වගේම පැට්ටෝල් ලාම්පු කියන්නේ ගෙදරකට නැතුවම බැරි දේවල්..ඒ විතරක් නෙමෙයි නිවසක ප්රධාන ලාම්පුව මේ අතරින් එකක් වුවද තවත් සෙසු ස්ථාන වලට කුප්පි ලාම්පු කිහිපයක් අනිවාර්යයෙන් තිබුණා.. හැම ගෙදරකම හැන්දෑවට බුදුන් වඳින කටයුත්තට අමතරව මෙන්න මේ ලාම්පු රාජකාරිය නම් අනිවාර්ය අංගයක්.චිමිනිය ගලවා හොඳින් සොදා රෙදි පාංකඩ කෑල්ලකින් හොඳින් පිසදා ගත්තම අළුතෙන් ගත්ත වගේ බැබලෙද්දි එන ගැම්ම නම් සෑහෙන්න සතුටක් වෙන්නැති.එසේ සොදා පිහදා ගත් චිමිනය ලාම්පුවට දා ලාම්පුතෙල් කාල් බාගයක් දා තිරය සකසා එළිය පත්තු කර ලාම්පුව තිහා පුංචි වෙලාවක් බලාගෙන ඉන්න එකෙත් අමුතුම හැඟීමක් තියෙන්න ඇති..තිරය දැල්වෙමික් සරසර හඬින් පිච්චෙන විට එන භූමිතෙල් සුවඳ නුහුරු නහයක් නම් ඒ කාලේ හොයාගන්නවත් නැති වෙන්නැති..🥹 කුප්පි ලාම්පු එළියෙන් බතක් හොද්දක් රත් කරගෙන රෑ අට නමය වෙද්දි පැඳුරු කඩමාලු අදින යුගයක් දශක ගනණකට ඉහත මේ මහ පොළවේ ජීවමාන උනා..පෑන් පැන්සල් පොත් අරගෙන චිමිනි ලාම්පු එළියෙන් ගණන් හදපු අකුරු ලියපු කාල වකවානු මේ මහ පොළවේ පහුවෙලා අවුරුදු 50ක් තවම ගත වෙලා නෑ.ඒත් ඒ එහෙම ජීවත් වූ අන්තිම පරම්පරාවේ අවශේෂ මතකයන් ගොන්නත් පණ අදින කාල වකවානුවේ අපි තවම හුස්ම ගනිමින් ඉන්නවා..තව ටික කාලයෙකින් මේ අතීතයක් තිබුණා නැද්ද යන්න වගවත් නොදන්නා පිරිසක් මේ රටේ හුස්ම ගනු ඇත.අඳුරු දුෂ්කර වූ එහෙත් සුන්දර සොඳුරු අතීතය පොසිල බවට පත් කරමින් අනාගත හා බැඳුණු රේස් ධාවන පත වල අපිද අතුරුදහන් වෙන්නෙමු.. සියදෝරීස් සීයා කර්ලිනා ආත්තම්මා කරුණාවතී නැන්දා මාටින් මාමා වැනි චරිත අනාගතයේ කිසිවෙකු නොදකිනු ඇත..නොඅසුනු ඇත..ඔවුන් ගැන කතාබහ නොකරනු ඇත..මෙය චක්රයකි..තවත් වසර පනහකට සියයකට පසුව අපි ගැනද කිසිවෙකු කතා නොකරනු ඇත..ජීවිතය යනු මෙයයි..ඉතින් ජීවිතය නැමති නවාතැන් පොළට ගොඩබැස්ස කෙටිකාලීන ආගන්තුකයින් අපි වෙමු..! ඉතින් ඇති වුනා සේම, අපද දිනක නැති වනු ඇත..එහෙයින් නැතිවෙන බව මිය යන බව සිහියේ තබා මේ පුංචි චාරිකාවේ සැහැල්ලුවෙන් සැනසීමෙන් පෙනහළු පුරාවා ගනිමු..! ඉතින් ඇස් කඩාගෙන ගහන පුංචි විනාඩියේ වීඩියෝ එකකට ලයික් එකකින් කමෙන්ට් එකකින් සංග්රහයක් කරන ආදරණීය මිනිස්සු ටිකට ඒ හිතවත්කමට මම හරි ආදරෙයි..! 🥹🫂බොහොම ස්තුතියි මාත් එක්ක රැඳිලා ඉන්නවට.ඔයාගේ වටිනා කාලයෙන් විනාඩියක් මම වෙනුවෙන් දුන්නට..! වචන / රූප Walk Story 🍃🖤 #70s #80s #pastmemories #NostalgiaVibes #lanterns
Walkstory
Region: LK
Tuesday 17 November 2026 16:00:42 GMT
Music
Download
Comments
Mallika...🥰 :
@අනේ හොදටම මතකයි පුංචිකාලේ පාඩම් කලේ ලාම්පු එළියෙන්
2026-11-18 07:27:43
1
🤩Gayan😉😉 :
අතීතෙට ගියා
2026-11-18 03:18:19
0
Darshana Deshappiya :
🥰🥰🥰
2026-11-17 16:04:53
1
dassa :
👍👍👍👍👍👍
2026-11-17 17:50:06
1
To see more videos from user @walk.story, please go to the Tikwm
homepage.