Abdurauf :
Baxt — bu qalbning doimiy xotirjamligidir. Bunga faqat Allohning buyruq va qaytariqlariga itoat qilish hamda Uning roziligini qoʻlga kiritish bilan erishib boʻladi. Boylik, sogʻliq, farzand, uy-joy, mashina — bular baxt emas, vaqtinchalik xursandchilik, xolos.
Masalan, farzandi oʻlib qolgan, bedavo dardga yoʻliqqan, boyligi qoʻlidan ketgan insonning holatiga qarasangiz, uning uchun hayotning maʼno-mazmuni yoʻqoladi, tushkunlikka tushadi, qalbiga hech narsa iliqlik bera olmaydi. Aksincha, har qanday holatda Allohga bogʻlangan insonning qalbi doimo xotirjam turadi. Hatto farzandi oʻlib qolsa: „Biz Allohnikimiz va Allohga qaytamiz“, deydi. Boylik qoʻlidan ketsa: „Rizq Allohning qoʻlida“, deydi. Bedavo dard kelganda esa: „Gunohlarim uchun kafforat“, deb qalbi doim xotirjam turadi.
2026-11-18 15:34:35