@takyk.com.tm: @tazehyzmat #takyk #Türkmenistan #ulag #awtobus #syýahat Köpçülik bolup syýahata ýa-da toýa gitmekçi, ýöne hemmäňiz bir ulaga sygmaýarsyňyzmy? Munuň çözgüdi bar! Indi «Awtomobil Ulag Hyzmaty» açyk görnüşli paýdarlar jemgyýetiniň resmi saýty arkaly awtobuslary onlaýn kärendesine alyp bilersiňiz. «Awtobus sargyt» hyzmaty arkaly 22 orunlyk «Yutong - ZK 6729 B» kysymly awtobusy ýa-da beýleki awtobuslary fiziki we ýuridik şahs hökmünde sargyt etmek mümkin. Munuň üçin adyňyzy, familiýaňyzy, pasport we telefon belgiňizi hem-de elektron salgyňyzy girizmek ýeterlikdir. Şeýle hem ugramaly we barmaly ýeriňizi, senesini we wagtyny görkezip, pasportyňyzyň elektron nusgasyny ýükläp, sargydy göni onlaýn amala aşyryp bilersiňiz. Bu hyzmat wagtyňyzy tygşytlap, ýol-ulag hyzmatlaryndan peýdalanmagy has-da aňsatlaşdyrýar. Siz öň şeýle usulda awtobus sargyt edip gördüňizmi? Teswirlerde paýlaşyň!