Yeganə :
"Səbəbsiz yerə heç nə olmur", "Allah oğlanın qapısını açsın, heyif" və sair. Bu və bu kimi qeyrətdən danışan qeyrətli insanlara sözüm var. Heç kimin can almağa haqqı yoxdur, səbəb nə olursa olsun. Bu həyatda səhvsiz insan yoxdur. Olsa belə, bugün qeyrətdən danışanların sabah və ya birigün başına nələr gələ biləcəyini yalnız Allah bilir. «Mən qeyrətliyəm» deyib çox da sinənizə döyməyin. Qınadığınız yerdən elə gözəl sınayar ki, Allah, özünüz də mat-məəttəl qalarsınız. Bu gün əxlaqlı olan, özünü əxlaqlı hesab edən insanın əlində zəmanət sənədi yoxdur ki, sabah da qeyrəti, namusu yerində olacaq. Qeyrətdən danışan kişilərin bəlkə də ətrafında o qədər qeyrətsiz insanlar var ki. Ailəsinə xəyanət edən, evində dava salan, yoldaşına şiddət göstərən, içki içib evinə dava-dalaş gətirən insanlar. Amma elə insanlara göz yummaq olar, hə? Yox, yüz faiz ki, yumursunuz da. Səsiniz qeyrətdən belə çox çıxırsa, həmin insanları görüb şahidlik edəndə susmaq əvəzinə bu gözəl məsləhətlərinizi onlara da verin. Kim nədən çox danışır, məsləhət verirsə, əmin olun ki, həmin insanın özündə həmin o xüsusiyyət olmur. Əgər qeyrətsiz insanlar ölməlidirsə, gərək Azərbaycanda çox kişinin həyatına son qoyaydılar bu günə qədər!!!
2026-11-18 15:05:45