@abbat_urisbayev: Құрметті достар! ✅ Бүгін Құрылтай отырысында Түркі мемлекеттері арасындағы цифрлық экономика саласындағы әріптестік туралы келісімді ратификациялау жөніндегі заң жобасы қаралды. Заң жобасы бойынша Сауда және интеграция министрі Арман Шаққалиев баяндама жасады. ✅ Мемлекет басшысы еліміздің цифрлық дәуірге бейімделуіне, жаңа технологияларды игеріп, әлемдік экономикалық кеңістіктегі орнын нығайтуға айрықша мән беріп келеді. Өйткені бүгінгі таңда цифрлық технологиялар сауданың сипатын өзгертіп, кәсіпкерлікке бұрын болмаған мүмкіндіктер ашуда. Осы өзгерістерден қалыс қалмай, отандық бизнестің жаңа нарықтарға шығуына жағдай жасау - уақыт талабы. 📌 Осы ретте министрге отандық кәсіпкерлердің халықаралық цифрлық нарықтарға шығуы, қазақстандық өнімдердің электрондық саудадағы үлесін арттыру және жаңа тұтынушыларға жол ашу бағытындағы нақты жоспарлар жөнінде сауал қойдым. 🌎 Түркі мемлекеттері арасындағы әріптестік - ортақ тарихи тамырымызды экономикалық байланыстармен сабақтастыратын маңызды мүмкіндік. Ендігі міндет - осы ынтымақтастықты нақты іспен ұштастырып, кәсіпкерлерімізге жаңа нарықтардың есігін ашу, қазақстандық өнімнің әлемдік саудадағы аясын кеңейту. Сонда ғана бүгінгі келісімдер ертеңгі экономикалық нәтижеге айналады. 📹 Сұрақ пен жауап бейнежазбада.