@aj.ethiopia: )"የዛሬ 50 ዓመት ገደማ የመጀመሪያ የሥራ ቦታዬ በጎጃም እምብርት በምትገኘው ፍኖተ ሰላም ነበር። በወቅቱም አብዛኛውን ጊዜ ብቸኛው ሐኪም እኔ ነበርኩ። ከዚያ ዘመን የማልረሳው ትልቁ ትዝታዬ ግን እኔ ሐኪም ሆኜ ሳለ እኔን ያከሙኝና ኢትዮጵያዊነትና አማራነት ምን እንደሆነ ያስተማሩኝ የዳሞት ገበሬዎች ናቸው። አማርኛቸው፣ ልበ ሙሉነታቸው፣ ደግነታቸው፣ ሳቃቸውና ትዕግሥታቸው ለዘላለም የማልረሳው ትምህርት ሆኖኛል። በዚያን ዘመን ጎጃም ባላባትና ጭሰኛ የሚባል ልዩነት የሌለባት፣ ሁሉም በክብር የሚኖርባት አካባቢ ነበረች። ሁሉም የተሟላ ኑሮ ነበራቸው፤ ደጋሽነታቸውም የማይረሳ ነበር። «በሞቴ ይብሉ» የሚሉት አነጋገር እስከዛሬ ከአእምሮዬ አይጠፋም። በወቅቱ የሚጠጡት ውኃ ኮረፌ ነበር፤ ለሕፃንም ለአዋቂም የዕለት መጠጥ ይህ ነበር። አብዛኛው ገበሬም ጫማ አያደርግም ነበር። የእግራቸው ጥንካሬ ይገርመኝ ነበር፤ እኔም ለመሞከር ብሞክር አልቻልኩም። ጥርሳቸውን ባይቦርሹም ከሕፃን እስከ ሽማግሌ ጥርሳቸው ጤናማና ሙሉ ነበር። የአፍ ሽታም ሆነ የሰውነት ጠረን አያስታውሳቸውም። በቀን ሁለት መለኪያ ሴስቴ መጠጣትም የጎጃም ሰዎች የተለመደ ልማድ ነበር። እኔ ግን ለመላመድ አልቻልኩም። አንድ ቀን ገበያ ላይ ያላወቀኝ ገበሬ ሴስቴ ሊጋብዘኝ ሲል አልስማማም አልኩት። እሱም በሳቅ «እንደኛ ደመ መራራ ስላልሆኑ ነው» ብሎ መለሰልኝ። የወቅቱን የፖለቲካ ሁኔታን በማስታወስ፣ አብዮት የተባለው እንቅስቃሴ ጎጃምን አልዘለቀም፤ ካድሬዎችም ከከተማ ወጥተው ወደ ገጠሩ መሄድ ይቸገሩ ነበር። ለስብሰባ ሲጠሩም ሰው አይመጣላቸውም ነበር። ጎጃም ራሷን የቻለች ሪፐብሊክ እስከመሆን የደረሰች ትመስል ነበር። የአካባቢው ባላባቶች ፊታውራሪና ደጃዝማች በሚል የክብር ማዕረግ ይጠሩ ነበር። እኔም የትውልድ ሐረጌን ካጣሩ በኋላ በየድግሳቸው የክብር እንግዳ አድርገው ይጋብዙኝ ነበር። ከእነርሱ ጋር በክብር ማዕድ እቀርብ ነበር። በዚያን ዘመን ፍኖተ ሰላም አንድ በሬ አራጅ ብቻ ነበራት። በሬ ማረድ እንደ ዝቅተኛ ሥራ ይቆጠር ስለነበር ይህ ሰው የሚበላው ሥጋ ብቻ ነበር። ብርንዶ መውደዴን ካወቀ በኋላ ግን ጥሩ ሰንጋ ባገኘ ቁጥር በሌሊት ወደ ግቢዬ ይመጣና በሩን አንኳክቶ፣ «ይሄውልህ አንተ ጅብ፣ ዛሬ ቀንቶሃል፤ ሽንጡ ያንተ ነው» ይለኝ ነበር። ሥጋውን ሸጦ ከጨረሰ በኋላ ሽንጡን ይዞልኝ ይመጣል። ከጎረቤት ጠጅ በማንቆርቆሪያ ይመጣል። ሽንጡን በግቢዬ ውስጥ ባለው ዛፍ ላይ ሰቅለን በጆፌና በመንደር ውሾች ተከበን እንበላ ነበር። ከዚያም ለእሱ የገዛሁለትን የደገላ ምንጣፍ አንጥፎ እዚያው ያድራል። አካባቢው ጅብ የሚበዛበት ቢሆንም እንዳይበላው ብዬ ወደ ቤት ገብቶ እንዲተኛ ስነግረው፣ «ጅቡ ይፈራኛል» ብሎ ይመልስልኝ ነበር። በእርግጥም ጅቦች መጥተው አጠገቡ ያለውን ቅሪት እንጂ እሱን ምንም አያደርጉትም ነበር። ታዲያ ዳሞትና ጎጃም እንዴት ከልቤ ሊጠፉ ይችላሉ? #Gojjam
AJ Ethiopia
Region: ET
Wednesday 18 November 2026 13:45:04 GMT
Music
Download
Comments
ትንሹ369 :
የፍኖተ ሰላም አካባቢ ልጅ ነኝ።
ምናልባት አርባይቱ እንሰሳ ቀበሌን ወይም ቤተክርስቲያኑን ታውቁት ከሆነ!?ወይም ዛምሬት፦መርጊ፦ቄስ አምባ ሲባል ሰምተዉ ከሆነ!?እኔ የዚያ አገር ልጅ ነኝ።ከፍኖተ ሰላም በስተደቡብ አቅጣጫ 6 ወይም 7 km እራቅ ብሎ።
ስለ ሀገሬ ሲያነሱ ደስ ስላለኝ ነው እሺ ከልቤ አመሰግናለሁ🙏🙏🙏
2026-11-18 15:28:22
13
muller :
በጣም ደስ በሚል አገላለፅ ነው የገልፅህው ማርያምን እኔ የ መንዝ ልጅ ነኝ ከ ፉነተሰላም 8kilo ሜትር ኮረፌ የ ሚለውን ጠላ በሚል ቢስተካከል አመ👍👍🥰🥰ሰግናለሁ
2026-11-18 19:55:11
3
ABEMELEK አቤሜሌክ :
ኮረፌ ግን የጎጃም ባህል አይደለም እንዳውም አይታወቅም
2026-11-18 19:30:50
5
ማሒር :
የዛው አካባቢ ተወላጅ ነኝ የአካባቢውን ሁኔታ በተወሰነ ገልፀከዋል ግን ኮረፌዋን በጠላ ብትቀይራት የበለጠ ይገልፀው ነበር
2026-11-18 16:21:34
24
eyasu.ye :
tizitaye....
2026-11-19 05:10:32
0
@Mekdi love19 :
በመቸ አመተምህረት ይሆን ደስ ይላል
2026-11-18 14:59:42
3
Atakelt Asemie :
ይህ ዘመን ያምጣልን ግን አሁንም ህዝብ ለይ ችግር የለም ።።ገን ናፍቀውኛል
2026-11-18 17:41:23
4
Gulma :
ወይ ሀገሬ ሰውማ ዛሬም ያው ነው በሞቴ ብሉልኝ። ምን ዋጋ አለው?
2026-11-19 05:47:37
1
user8513825560872 :
አቤት እንዴት ያለ ምርጥና ድንቅ አገላለፅ ነው እኔ የፍ/ሰላም እምብርቷ ነዋሪ ነኝ እርስዎ የተናገሩት እውነተኛና የማይፋቅ ሀቅ ነው የላህን እና የአረራን ውሀ የጠጣ ምን ጊዜም በጎ አሳቢ ነው ዕድሜ ከጤና ጋር ይስጥልኝ
2026-11-19 00:54:14
2
alex dereje :
ትክክል ዳሞት ያስተፋል አሞት
2026-11-19 02:37:58
0
𝙮𝙚𝙣𝙚𝙣𝙝🍏 :
ውቢቷ ሀገሬ ፍ/ሰላም
2026-11-18 17:41:31
2
haymanot :
ጐጃም
2026-11-19 02:19:30
1
seyoum :
አገላለፁ በጣም ይመቻል እንደርስዎ ያሉትን የዋሆች ያብዛልን
2026-11-18 18:50:35
1
c394961 :
ፍኖተሰላም ወይም ጎጃም ኮረፌ ሳይሆን በጠላ ነው ምትታወቀው ኮረፌ ጎጃም ባህርዳር ብቻ የሚገኘው
2026-11-18 17:29:13
1
my name is Ethiopia :
እውነት ነው ከዛሬ 4 ዓመት ገዳማ ይመስለኛል የዶክተርን ሙሉ ቃለ መጠይቁንና የሰጠውን ኢንተርቪው ተከታትየዋለሁ እናም የዙሪያ ገበሬዋችን የንግግር አገላልፅ ባህሪ ግሩም ነው ሲል በተለይ አንዳንድ ቃላቶችን ሲናገር
እሳት በርሐ
ይሸቀሽቀኛል
ቅንድቤን እያለ ነው አወ ክፍና ደግ የለየሁበት ጎጃም ፍኖተ ሰላም ነው ይላል በትዝታም .....
2026-11-18 18:59:40
1
Melody :
እኔን ያገሬ ሰው🥰🥰🥰
2026-11-18 18:33:50
1
@ካልታማህ አትነግስም man :
waw 💪💪💪💪💪
2026-11-18 18:33:38
1
ጎጃሜው :
🥰🥰🥰🥰🥰🥰🥰🥰🥰
2026-11-18 22:48:36
1
akila :
Real history
2026-11-18 18:25:22
1
ሀብቴ z aman :
2026-11-18 17:33:32
0
seidu ali :
ልጅነቴን አስታወስካኝ
2026-11-18 17:51:19
1
ማኪባ :
እናመሰግናለን🙏🙏🙏
2026-11-18 16:49:35
1
Magnaw :
እውነት ነው
2026-11-18 16:42:21
1
YEMA :
my Gojjam
2026-11-18 16:14:58
1
To see more videos from user @aj.ethiopia, please go to the Tikwm
homepage.