@jad.amazigh.fazaz3: من النجومية إلى العمل فالفيرمات.. واش هكذا كيتكافأ الفنان الأمازيغي بعد سنوات من العطاء؟ الفنانة الأمازيغية القديرة فاظمة الحاجب، اللي عطات الكثير للأغنية الأمازيغية، وشاركت المسار الفني مع أسماء معروفة بحال حوسى 46 ومصطفى أومكيل وحسن أوجلا وغيرهم من الفنانين، كتعيش اليوم وضعية صعبة ومؤثرة. فبعد سنوات من العطاء الفني وإسعاد الجمهور فوق المنصات، لقات الفنانة راسها مضطرة تخدم فالفيرمات بمدينة زاكورة باش توفر لقمة العيش، فمرحلة من العمر اللي كان من المفروض تكون فيها معززة مكرمة، وتنعم بشي جزء من التقدير على السنوات اللي وهبات للفن الأمازيغي. وزاد الوضع صعوبة بعدما توصلنا بخبر تعرض الفنانة لكسر على مستوى الساق أثناء وجودها فالعمل، وهي اليوم محتاجة للعلاج والعناية الصحية. وبعزة النفس والكرامة اللي فيها ، الفنانة فاظمة الحاجب ما بغاتش تطلق نداء طلب المساعدة، ولكن حنا كنشوفو أن هاد الفنانة تستاهل منا وقفة تضامنية تليق بتاريخها الفني. ومن هاد المنبر، كنوجهو نداء لجميع الفنانين الأمازيغ، والجمهور ومحبي الأغنية الأمازيغية، باش يوقفو مع فاظمة الحاجب، كل واحد حسب استطاعتو، مادياً ومعنوياً، ويساهمو فمساعدتها على تجاوز هاد المحنة الصحية. **للتواصل والمساهمة في حملة التضامن:** - الفنان موسى أطلس – أزرو والحاجب والنواحي: **0662493296** - الفنان علي أزلماظ – خنيفرة ومريرت والنواحي: **0661182659** اليوم فاظمة الحاجب محتاجة لوقفتنا، وغداً ممكن أي فنان آخر يلقى راسو فظروف مشابهة. *أفوس كفوس.. اليد فاليد من أجل فاظمة الحاجب
هذا هو حل الفنان عندنا في البلاد حسبي الله ونعم الوكيل توحل الفنان نهار الفراش ما كاين اللي يرحمه
2026-11-18 20:42:41
4
العز لدكالة :
الله ايشافيها نتمنى من الفنانين الامازيغ يتعاونون معاها
2026-11-18 17:30:13
3
taoufikhansali :
لإخوان مكرهناش نتعاونو معاها فسبيل لله
إن لله لا يطيع اجر المحسنين
2026-11-18 20:44:04
3
user1731963104638 :
🤲🤲🤲🙏🙏🙏😇😇😇😂😂😂🥰🥰🥰Allah echafike🙏
2026-11-19 13:20:28
1
الام نعمة :
الله اغفرلك كل ما مضى[Prière]
2026-11-19 18:14:58
1
faroukel660 :
انتما كتقولوا اومكيل اومكيل وش هو الدولة ولا راه المسؤولين لي يوقفوا معه زعما عندنا احسن البلد في العالم احسن الحكومة عندنا سبيطارات كل المسؤول يتهلاو فينا ولا لا خصوا اومكيل . بالشفاء العاجل إن شاء الله فاطمة الحاجب
2026-11-19 23:30:08
4
ألا بذكر الله تطمءن القلوب. :
اللهم إشفيها أنت الشافي. الله سخر لها المحسنين. آميييين.
2026-11-18 17:34:01
2
فاطمة أباعلي :
الله يشفيها يارب
2026-11-18 20:48:22
1
ضل 🥷 :
اوا الغنا هوا هدا
2026-11-18 20:38:03
1
dija____khadija :
لا حول ولا قوة الا بالله الله يشفيك وعافيك يارب
2026-11-18 21:55:04
1
(ⵥ) 🤴ⵉⴽⵙⵉⵍ 🤴(ⵥ) ⵥ :
fin dok ljam3iyat li ysar9o da3m n dola ??
2026-11-18 18:38:32
1
To see more videos from user @jad.amazigh.fazaz3, please go to the Tikwm
homepage.