@wajdi.alhakim: شادية كانت كل ما تقرأ كلمات أغنية جديدة كانت تيجى عند كلمة "آه" وتقف وتفضل تضحك.. وفى مرة حد سألها عن السر ورا الضحكة دى .. فقالت أنها وهى صغيرة فى المدرسة كان استاذ القراءة بيخليها تقرأ أى درس جديد بصوت عالى لأنها كانت بتمثل الدرس بكل حماس وبالتالى العيال كانت بتفهم بسرعة. وفى يوم يا سادة يا كرام المدرس قالها قومى يا فاطمة ـ ماهى كان اسمها فاطمة قبل الفن ـ اقرى الدرس الجديد.. وكان الدرس عبارة عن عيلين صغيرين ماسكين عصفور صغير بيعذبوه فالعصفور بيشتكى ويقول " اه اه اه .. اتركوني" .. قامت شادية تقرا وجات عند جملة العصفور ولقت أنها اول مرة تقرأ كلمة "اه اه اه " ففكرت شوية مع نفسها وقالت بعزم ما فيها " واحد خمسة واحد خمسة واحد خمسة.. اتركوني" فالأستاذ قالها يا بنتى اقرى صح.. ايه واحد خمسة دي.. جبتيها منين.. فشادية سكتت تانى شوية وفجأة الجلالة خدتها وقالت "واحد وخمسين واحد وخمسين واحد وخمسين .. اتركوني" وطبعا المدرس مقدرش يستحمل ووقع على الارض من الضحك وقالها يبنتى واحد وخمسين ايه بس ؟ فقالت له ما هو رقم واحد وجنبه خمسه اهه ؟ فقالها يا بنتى دى اسمها "آه" مش واحد ولا خمسة .. وهنا لقت شادية نفسها فى نص هدومها .. ولما لقت العيال بتضحك فى الفصل من حماسها والجلالة واخدها وهى بتقرا غلط فضلت تضحك معاهم.. واستمرت نوبة الضحك دى معاها سنين كل ما تقرأ كلمة "آه" .. #شادية #وجدي_الحكيم