Alemu Degu :
Ergaan koo kun kan namoonni rakkina keessa jiran ofii isaanii keessaa darban, Waaqayyootti abdachuun kan jiraatan, fi kadhatanii kan argatan ta'uu isaa ibsuudha. Rakkinni yoo isinitti baay'ates Waaqayyoon waaqeffachuu, kadhachuu fi gara Waaqayyootti iyyachuudha. Rakkina keessa taatanii Waaqayyoon yaadachuudha. Guyyaan har'aa kun ni darba; guyyaan boruu ni dhufa. Guyyaa darbuuf jettanii lubbuu keessan hin balleessinaa. Namni lubbuu isaa balleessu mootummaa Waaqayyoo hin galu; bara baraan ni gubata. Kanaafuu, abdiin keessan Waaqayyo ta'uu qaba.
Waan biyya lafaa argitanii hin qabaminaa, waan biyya lafaatiif jettaniis abdii hin kutatinaa. Yaa obboloota koo, warri miidiyaa irra jirtan hundi keessan, warri of ajjeesuudhaaf, of balleessuudhaaf, of mancaasuudhaaf kaatan, isa har'aa ilaaltanii isa boruu hin balleessinaa. Waaqayyo fuuldura keessan jira. Gooftaan Yesus Kiristoos isin gargaara. Waaqayyo jaalala guddaa ilmaan namaatiif qaba; jaalala guddaa biyya lafaatiif qaba. Wangeela Yohaannis boqonnaa sadii lakkoofsa kudha ja'a irratti, "Waaqayyo hanga tokkicha ilma isaa kennuutti biyya lafaa jaallateera" jedha. Kanaafuu, isin Waaqayyo duratti namoota jaallatamoodha.
Yoo rakkinaan qabamtanis, namoonni abdii kuttanii jirtanillee lubbuu keessan irratti murtoo dhumaa hin fudhatinaa. Lubbuu keessan irratti murtoo dhumaa kennuuf hin ka'inaa. Waaqayyotti abdii godhadhaa, kadhadhaa. Gara Waaqayyootti iyyaa; Waaqayyo nama ceesisa, Waaqayyo duumessa irraa lafa baasa, Waaqayyo isa si balleessuuf si ajjeesuuf jedhu jalaa si baasa. Harki Waaqayyoo gaariidha, Waaqayyo gaarummaadha. Namni qormaata keessa darbe boru waan guddaa argata; qormaanni biyya lafaa nama hin balleessu. Waan biyya lafaatti dhabdanis argachuuf jirtu; dhabuu keessan ilaaltanii hin gaddinaa, argachuu keessaniif abdii qabaadhaa.
Gara fuulduraatti bal'inni guddaan jira. Biyya lafaa kanaaf jettanii of hin ajjeesinaa, lubbuu keessan hin baasinaa. Namootaaf jettanii of irratti waan badaa hin yaadinaa. Har'a dhabuun keessan boru dhabuu keessan miti; bara baraaf ni dhabdu jechuu miti. Har'a reebamuun keessan, har'a kufuun keessan, har'a nama gadii ta'uun keessan boru nama gadii taatu jechuu miti. Ni darba. Daawit tiks
2026-11-19 08:04:06