@rawan.osman732: حقيقة لما قالوا إن مكانة الأب في قلب ابنته لا يُعلى عليها، وإن حب الأب مافي زيه حب، عرفت إنهم كانوا صادقين في كل حرف قالوه. ❤️🥹 بابا ما مجرد أب بالنسبة لي، بابا هو الأمان في عز الخوف، والسند في وقت الضعف، والحنية اللي ما بتتوصف بالكلام. هو الشخص البتمنى أشوفه دايمًا بخير، والبتمنى الدنيا كلها تضحك ليه زي ما وجوده بخلّي الدنيا تضحك في عيوني. هو أول راجل حبيته في حياتي، وأول معنى عرفته للأمان، وأول قلب حسيت معاه إن الدنيا مهما قست عليّ في زول حيفضل سندي وضهري. مهما كبرت ومهما بقيت كبيرة في عيون الناس، حأفضل بنته الصغيرة البتفرح بوجوده، والبتستمد قوتها من دعواته، والبتحس إن الدنيا لسه بخير لمجرد إنه موجود فيها. مافي كلام ممكن يوصف غلاوتك عندي، ولا في حروف تكفي عشان أعبّر عن كمية الحب الجوا قلبي ليك. يمكن ما بعرف أقول ليك كل يوم إنت غالي عليّ قدر شنو، لكن والله إنت في قلبي مكان ما في زول ممكن يقرب منه، ومهما قابلت من ناس ومهما شفت من حب، حيفضل حبك مختلف ومميز وما عنده شبيه. يا رب ما توريني فيك بأس يبكيني، يا رب أقدر أشوفك دايمًا مبسوط ومرتاح، وأكون سبب في فرحتك زي ما كنت وما زلت سبب في أماني وراحتي. يا رب يديك الصحة والعافية، ويطوّل في عمرك، ويبارك في أيامك، وما يحرمني من صوتك وضحكتك ووجودك ودعواتك. يا رب أقدر أرد ليك ولو جزء بسيط من كل الحب والتعب والعطاء اللي قدمته لينا. بابا، لو كان بإيدي أهديك حاجة من الدنيا، كنت أهديتك عمر مليان راحة وفرح، وأيام ما تعرف الحزن ولا التعب. لأنك تستاهل كل الحاجات الحلوة في الدنيا، وتستاهل حب ما ينتهي وفرحة ما تغيب. قلبي مليان بحبك يا بابا، حب أكبر من الوصف وأعمق من كل الكلام. إنت نعمة بدعي ربنا يديمها عليّ كل يوم، وإنت الحتة الحلوة في قلبي اللي مستحيل تتغير مهما مر الزمن. ربنا يخليك لينا وتفضل تاج فوق راسنا، لأن وجودك في حياتي هو من أجمل الأقدار وأعظم النعم. بحبك يا أبي، يا حبيبي الأول، ويا سند عمري كله. 🥹❤️🫂