@dykrcldvmlln: من الحجات اللي تتحسب للشيخ محمد صديق المنشاوي... إنه كان صاحب قلب جميل، وكان بيحب يجمع القلوب على بعضها، ومكانش يحب يشوف حد متخاصم أو فيه بينه وبين غيره زعل. وفي فترة كان فيه نوع من الزعل والحساسية بين الشيخ عبد الباسط محمد عبد الصمد والشيخ كامل يوسف البهتيمي، لكن الشيخ المنشاوي جمعهم في مكان واحد، وسط أجواء كلها فرحة وبهجة وسرور، في حفل زفاف ابنته الكبرى الحاجة فريال. ❤️ يمكن الموقف يعدّي على ناس كتير عادي، لكن لو بصيت له من الناحية الإنسانية هتلاقي إن المنشاوي ماكانش بس قارئ قرآن عظيم، ده كان إنسان جميل، بيؤلف بين القلوب، وبيحب الخير للناس. والجميل إن الصورة دي بتخلينا نشوف جانب مختلف من شخصية الشيخ، جانب الإنسان الطيب اللي كان وجوده سببًا في اجتماع الأحبة. ❤️ 📸 لقطة نادرة للشيخ محمد صديق المنشاوي من حفل زفاف ابنته الكبرى الحاجة فريال. رحم الله المنشاوي، ورحم الله عبد الباسط والبهتيمي، وجمعهم الله في رحمته كما جمعهم في الدنيا على الخير. 🤲❤️ #المِنشَاوِي، #قرأن #محمد_صديق_المنشاوي #fyp #قرآن