@toplumtv: Ermənistan Təhlükəsizlik Şurasının katibi Alen Simonyan dekabrda Azərbaycana səfər etməyi planlaşdırır. “Armenpress”in məlumatına görə, Simonyan bunu jurnalistlərə açıqlamasında deyib. O bildirib ki, səfər Bakıya deyil, Azərbaycanın başqa şəhərlərindən birinə olacaq. Onun sözlərinə görə, səfər prezidentin köməkçisi Hikmət Hacıyevin iyun ayında Ermənistana etdiyi səfərdən sonra qarşılıqlı təmasların davamı kimi nəzərdə tutulur. Simonyan bildirib ki, ayın sonunda azərbaycanlı qeyri-hökumət təşkilatlarının nümayəndələri “Sülh körpüsü” təşəbbüsü çərçivəsində Ermənistana səfər edəcəklər. Gələn ay isə onun Azərbaycana səfəri gözlənilir. O deyib ki, səfər çərçivəsində əməkdaşlıq, texniki məsələlər və mümkün digər mövzular müzakirə oluna bilər. Hikmət Hacıyev iyunun 14-də Ermənistana səfər edib, Dilicanda Ermənistan Təhlükəsizlik Şurasının o vaxtkı katibi Armen Qriqoryanla görüşüb. Tərəflər Ermənistan-Azərbaycan sülh gündəliyini müzakirə ediblər.
Toplum TV
Region: AZ
Thursday 19 November 2026 09:47:18 GMT
Music
Download
Comments
There are no more comments for this video.
To see more videos from user @toplumtv, please go to the Tikwm
homepage.