@kznews.kz: Тараз қаласының Қарасу шағын ауданындағы зиратта белгісіз біреулер Кеңес жауынгерлеріне арналған мемориалды бүлдірген. Бұл туралы жергілікті тұрғын әлеуметтік желіде жазды. Оның айтуынша, ескерткіш бір ай бұрын ғана орнатылған. Мұнда 60-қа жуық сарбаз жерленген. Қала әкімдігі оқиғаға байланысты полицияға арыз берілгенін хабарлады. Мемориал қайта қалпына келтіріледі. Қазір оқиғаның мән-жайын құқық қорғау органдары анықтап жатыр.