@wajhain.wkitaba: يا ترى كام قصة حب جميلة ما اكتملتش، لمجرد إن جواب ما وصلش؟ الجواب ده رجّعني لزمن كان فيه للإعجاب احترام، وللكلام حساب، وللمشاعر طريقة مختلفة في التعبير. شاب سنة 1975، معجب ببنت ساكنة في البلكونة اللي قصاده، مش عارف يكلمها، فقرر يكتب لها جواب بكل اللي في قلبه, والأجمل إنه اخترع لغة بينهم من نور البلكونة! وبصراحة، خفة دم حسام وحدها كانت تستاهل إن الجواب ده يوصل. لكن للأسف… النهاية اللي عرفتها ما كانتش اللي كنت أتمنّاها. حاولت أوصل لحسام، لكن ما قدرتش. إنما قدرت أوصل لمعلومات عن نادية، وعرفت إنها اتجوزت، وبقى عندها أولاد، لكن اسم زوجها مختلف. وده خلاني أرجّح إن قصة حسام ونادية الجميلة ما اكتملتش، رفضت تستلمه الجواب. ويمكن دي أكتر حاجة بحبها في الجوابات القديمة، إنها بتسيبلنا جزء من الحقيقة، وجزء تاني لخيالنا. وعندي ليكم طلبين المرة دي: الأول، زي عادتنا، عايزكم تكتبوا في التعليقات جواب لنادية، كأنكم هي وبتردوا على حسام بعد ما قرأتوا كلامه. والتاني، تجاوبوني عن سؤال محيرني: هل ممكن نحب إنسان بصدق قبل ما نعرفه فعلًا؟ ولا ساعات بنقع في حب الصورة اللي رسمناها له في خيالنا، ولما نقرب منه نكتشف إن الحقيقة مختلفة؟ وعلى فكرة، قررت نرجع لروح البودكاست بتاعتنا، لكن المرة دي بطريقة مختلفة. هنعمل لايف بعد كل جواب. نتكلم فيه عن الحكاية، وأجاوب على تساؤلاتكم، وأسمع تحليلاتكم وتفسيراتكم للأحداث. لأن الحقيقة إن الجوابات القديمة مش دايماً بتقول لنا كل شيء، وإحنا بنتخيل جزء كبير من القصة عشان نفهم اللي حصل. ونفسي المرة دي ما أبقاش أنا الوحيد اللي بيحكي، نفسي كلنا نشارك في قراءة الحكاية. يمكن حسام ما وصلهوش رد نادية، لكن بعد أكتر من خمسين سنة، ممكن توصله منكم مئات الجوابات. مستني جواباتكم وتحليلاتكم في التعليقات. ومتنسوش تعملوا فولو علشان يوصلكم كل جديد من (لم يُستدل على العنوان).

وَجْهَيْن وكِتَابة
وَجْهَيْن وكِتَابة
Open In TikTok:
Region: AE
Thursday 19 November 2026 12:47:16 GMT
3032
234
28
30

Music

Download

Comments

hodamohamed1984
Dodo :
عمو دة كان بادئ اشتغالات بدرى اوى😂😂
2026-11-20 17:58:54
1
ma.ro705
👑Marwa 👑 :
انت عارف انا كان نفسي اعيش الأجواء ده وقصه الحب الحقيقيه كنت ومازلت بقول ل امي نفسي ف حد يبعتلي جوابات ويجي تحت البلكونه كان رد امي ومازال يقوم باباكي شيفوا وينزله بس الحب وفارس احلامي ف خيالي ف الافلام القديمه الابيض والاسود ف اغاني زمان تفتكر بعد العمر ده هلاقي فعلا الحب اللي نفسي فيه
2026-11-20 13:25:14
1
hananabdelhamid25
Hanan AbdElhamid :
بجد انا عشت الاجوا ء دي ونفس الأحداث نور البلكونه وفتحة الشباك وقفلته والجواب اللي باسم مستعار بجد كانت احلي ايام
2026-11-19 13:54:53
1
shaabanelfakahany
Shaaban :
لسه فاكر كل حاجه كأنى واقف جنب شاشه لما كنت ملاك برئ وانتى كنتى يا دوب فراشه حب زمان
2026-11-19 17:43:27
2
om.faris00
om faris :
دا مش جواب دي رواية رومنسية قمة الإبداع..ايه التفاصيل الحلوة دي بجد إنسان راقي ياريت نعرف اي حاجة عنهم اتمنى يكونو عايشين وبصحة 🥰🤩
2026-11-19 22:06:19
1
nonos077
شهرزاد انا ❤️ :
بجد شكرا ليك من قلب❤️انت بترجعنا للحظات بتكون من أصعب لحظات حياتنا وفي نفس الوقت أحلاها. طول ما أنا بشوف الفيديو كنت مبتسمة ورجعلي شريط ذكريات من أحلى ذكريات حياتي في دقيقتين بس بجد شكرا إنك لسه بتفكرنا إن كان فيه حب بجد وحب نضيف وحب بلكونات وجوابات وأغاني، شكرا إنك رجعتنا لأيام عمرها ما هتتنسي ❤️
2026-11-21 01:38:00
0
.yassmin834
🌹Yassmin 🌹 :
الحب من قبل منعرف الشخص ده بيكون حب لخيال رسمناه للشخصيه اللى لفتت نظرنا بسبب شكل او تصرف بس لما بنقرب ممكن يكون الشخصيه مختلفه تماما عن الخيال ……….. ومش عارفه ارد على السؤال التانى علشان معشتوش ومش عارفه اتخيله (مكنش عندنا جيران ) 🤭🤭
2026-11-20 02:11:48
0
tulipe8717
Tulipe 🌷 :
جميل جدا، الجواب خلاني أبتسم و أنا أقرأ، قصدي و أنا أسمع. بجد حسيت نفسي مكان نادية. إبتسمت و عيوني اتملت دموع، على الزمن الجميل اللي كان و على براءة و عمق المشاعر و على سحر التفاصيل الصغيرة... شكرا جزيلا لحضرتك 🌺
2026-11-19 14:45:50
0
howaydasoltan
Howayda Soltan :
كانت احلي ايام الجواب الا كنت مش عارفه اشيله فين ومشابك الغسيل كنت افضل افتح واقفا فيها بصوت وهو يسمع صوت المشبك يخرج في البلكونه احلي حاجه في جوابات حضرتك بتفكرني بأيام جميله
2026-11-20 00:54:12
0
dianakhanoom0
💖💝El khanoom 💝💖 :
أول مره اسمع منك جواب واتمنى اكون أنا ناديه 🥰🥰🥰🥰🥰🥰الله عالحب الطاهر الصادق المحترم عنجد ياريتنى كنت ناديه
2026-11-19 13:28:14
0
zahra__elbanfsg99
zahra__elbanfsg99 :
وسائل التواصل اتغيرت فعلا عن زمان لكن اتغيرت معاها المشاعر ومعاني الحب الحب بقي مزيف مبقاش في حب حقيقي والتخلي بقي اسهل
2026-11-19 16:09:14
0
user7275188202116
user8850 :
للاسف نادية مستلمتش الجواب 😭😭
2026-11-19 17:24:25
0
fabogroob
FABO Groob :
كان بيصفر من البلكونه وانا ارمي المشابك من ٣٥ سنه الله يرحمه ويغفر له ويسكنه فسيح جناته يارب العالمين
2026-11-19 17:32:00
0
emanhmahfouz
Eman MahFouz :
اصعب الاحساس انها مستلمتش الجواب وهو زمانه دلوقتي قال هي رفضه ويارب يكون اتجوزها لو كان حبه حقيقي
2026-11-19 23:50:12
0
nesreenaly735
Nesreen Aly :
نفسى اعرف ايه اللى حصل بعد كده🥰
2026-11-19 19:12:13
0
noga.ahmed3562
Noga Ahmed :
ايه جمال الجواب دا اتمنى أن انكيل حسام يكون موجود وطنط ناديه تكون موجوده يااااااااه على جمال الزمن
2026-11-19 16:15:07
0
nonos077
شهرزاد انا ❤️ :
أنا حسيت أوي أوي بالمشاعر دي والحب ده عشان أنا من عشاق حب البلكونات ❤️حبي الأول كان عن طريق البلكونة ابن الجيران وعشنا أحلى أيام حياتنا كلها. كانت جوابات ونظرات وإشارات وعلامات بينا كتير محدش كان يفهمها غيرنا احنا الاتنين وكنا بنشغل لبعض أغاني عن طريق الكاسيت ونرد على بعض عن طريق الأغاني هو يشغل أغنية وأنا أرد عليه بأغنية تانية وكنا بنفهم بعض من غير ما نتكلم خالص كنت بستناه يطلع البلكونة وهو يستناني ونفضل نبص لبعض من بعيد وقلبنا بيدق من الفرحة كان حب بريء ونضيف، حب بجد من غير تمثيل ولا مصلحة، حب لسه عايش جوايا لحد النهاردة ❤️
2026-11-21 01:24:28
0
hananabdelhamid25
Hanan AbdElhamid :
اية الادب والأخلاق دي ❤️❤️❤️بجد التربية كانت عالية جدا ❤️❤️
2026-11-19 13:51:08
0
r581635
R :
الله [قلب أحمر]
2026-11-19 14:56:13
0
user1571861837674
user1571861837674 :
ممتاز . واحد في زواج صالونات بيقبوا ناشفين وقللت ذوق
2026-11-20 20:01:38
1
hananabdelhamid25
Hanan AbdElhamid :
🥰🥰🥰
2026-11-19 13:50:06
0
olfat.mohamed915
Olfat Mohamed :
[قلب أحمر][قلب أحمر][قلب أحمر]
2026-11-19 13:10:57
0
keronagy02
Kero Nagy :
🥰🥰🥰
2026-11-19 19:12:45
0
To see more videos from user @wajhain.wkitaba, please go to the Tikwm homepage.

Other Videos


About