مخاوف الشعراء و إبداعهم بالافكار :
ماني بخايف من غيابك و لو طال
أخاف ترجع لي و أنا قد نسيتك
_ خالد مبارك
ما أخاف الوداع الواضح الموجع القتّال
أخاف الوداع اللي لا أشوفه ولا أختاره !
_ عساف ابوثنين
أخاف من يومٍ أصحى فيه ما ألقاك فيه
و أنتي ؟ علي الحرام إنك " تسوينها "
_ فهد قطنان
أخاف من دمعها خوفي من الانكسار
و أطرب على صوت ضحكتها و مفعولها
_ ناصر مناحي
أخاف تطلع علينا الشمس ما ذقت منك
شيٍ يرد التعب عني ويقطع ظماي
_ سعود الشطيطي
من برودك ما عاد أخاف لو ترحلين
أنتي أصلاً ( كذا والا كذا ) غايبه !
_ عبدالرحمن بن جزا
أنتي كلامك حلو و أنا أتحاشى الحلا
أخاف اكثّر منه و يجيني السكري :)
_ حزمي بن سعد
أنا قلبي عليه التاع . . لكني ما قلت ايّوه !
أخاف أقولها وأحرج ولد عمي وابن خالي ):
_ محمد ابن الذيب
اخاف من الغياب اللي بلا تنبيه
واخاف من المكان اللي بدون احباب
_ ناصر الحمادين
"ماني خايف بعد هالغيبه .. تجين!
كنت اخاف انك تجين وما اعرفك"
_ عبدالعزيز العبلان
"اخاف اتمادى في شعوري تجاهك ثم
امر بمراحل حزنها .. غير مستغرب "
_ سلطان حجاب
أخاف من طاري الفرقا و اخاف الوداع
حسبي على صوت ابو نوره و ابن مانعه
_ ناصر الحمادين
في ليلةٍ ضمت من البرد ثوب الحنان
ماقلت أحبّك .. أخاف أقولها بارده
_ مزيد الوسمي
خاف من حاجتي للي أحبه وانا
من عزة النفس مااقول الطلب مرتين
_ ناصر مناحي
"ما ودي امر في نفس المكان القديم
ماخاف نفس المكان اخاف نفس الشعور"
_ فهد الحمّاد
ودي اجرب معك لذة شعور الضياع
بس اخاف القبله اني ماعاد ادلها :)
_ محمد ال شواي
"انا كل ماحاولت أمرك ، وجيت ابيك
اخاف ازعلك وأنا ضلوعي تعشق رضاك"
_ مشيع بن فهيد
تعالي و أجلسي عندي ترا الأعمار محدوده
أخاف أموت و تموتين محدٍ حصّل الثاني
_ عبدالله بن شايق
أنا أخاف من طاري الفراق بشكل عام
مثل ما تخاف الجن من رُقية الراقي
_ حزمي بن سعد
اخاف انحرم من شوفتك والذكي خوّاف
اطيع الزمن لو كان ... ما ودّي اطيعه
_ محمد السكران
2026-11-19 19:05:17
1
To see more videos from user @.oyv0, please go to the Tikwm
homepage.