@sanyiifufiiguraaraa1: Artistii seenaa qabsoo, aartii fi eenyummaa Oromoo keessatti gahee olaanaa bahatedhaam WEELLISAA JIREENYAA DASSAALENY EENYU TURE? Weellisaa Jireenyaa Dassaaleny Godina Horroo Guduruu Wallaggaa, kan amma Lixa Oromiyaa jedhamee waamamu, Aanaa Jimmaa Gannatii, Ganda Guddattuu Jimmaa keessatti abbaa isaa Obbo Dassaaleny Rumichaa fi haadha isaa Aadde Maarituu Itichaa irraa dhalatee guddate. Jireenyaa Dassaaleny akkuma weellistoota Oromoo biroo, aartii isaa qofaaf osoo hin taane, qabsoo Oromoo keessatti gahee isaa bahachaa kan ture artistii seenaa qabuudha. Jireenyaa Dassaaleny bara 1995 keessa Baandii Gadaa keessatti makamuun hojii aartii isaa itti fufe. Bara 1997 ALItti album isaa jalqabaa kan mata dureen isaa “BIYYA KOO” jedhu hojjechuun gabaa irra oolche. Bara 1999 ammoo hiriyoota isaa waliin walta’uun collection audio mata dureen isaa “GAMEESSA KOO” jedhu, akkasumas video collection mata dureen isaa “BAR-KUMEE” jedhu qopheessuun uummata Oromoo biraan ga’e. Hojiiwwan aartii isaa uummata Oromoo biratti jaallatamummaa guddaa akka horatuuf albamoonni isaa kun sababa ta’aniiruu! Jireenyaa Dassaaleny bara 1995 irraa eegalee Baandii Gadaa waliin hojjechaa kan ture yoo ta’u, seenaa baandii kanaa irraa adda baasanii ilaaluun tasumaa hin danda’amu. Baandiin Gadaa yeroo Afaan Oromoo dubbachuun, aadaa Oromoo mul’isuun fi eenyummaa ofii ibsuun rakkoo guddaa keessa turetti, artistoota hedduu kanneen aartii isaanii karaa qabsoo, afaan, aadaa, siyaasaa fi dinagdee hawaasa Oromoo cimsuuf itti fayyadaman keessaa tokko ture. Artistoonni Baandii Gadaa keessatti qooda fudhatan hedduun rakkoolee, hidhaa fi dararaa garaagaraa keessa darbaniiru. Isaan keessaa namoonni hedduun lubbuu isaanii itti kennaniiru; kaan ammoo rakkoolee jireenyaa hedduu keessa darbanii har’as jiraachaa jiru. Artistoota seenaa kana keessatti qooda qaban keessaa kanneen akka: Eebbisaa Addunyaa, Yooseef Gammachuu, Jireenyaa Ayyaanaa, Usmaayoo Muusaa, Cawwaaqaa Yaaddessaa,Magartuu Nagaasaa fkkf kaasuun ni danda’ama. Jireenyaa Dassaalenyis seenaa kana keessatti gahee guddaa qaba ture. Hiriyoonni isaa yeroo Baandii Gadaa keessatti rakkoo fi gidiraa waliin dabarsan muraasni: Zarihun Wadaajoo Birraatuu Lammaa Suutee Baarentoo Usmaayyoo Muusaa Mulgeetaa Garramuu Cawwaaqaa Yaaddessaa Bashannana Haayiluu Haloo Daawwee Ittaanaa Tolasaa Jawwee Booraa Adinaan Mohamed Addisuu Furgaasaa Warquu Tolasaa Caaltuu Lammii Jaalallee Daadhii Anuwar Badhaanee Awwal Usmaan Dabalaa Damee Abiishee Gabayyoo Meetii Jamamaa fi kanneen biroo. Eeruun ni danda’amaam Jireenyaa Dassaaleny bara 2015 keessa album isaa itti aanu, kan mata dureen isaa “GURRAALEE” jedhu hojjechuun gabaa irra oolche. Kana malees sirboota qeenxee hedduu hojjechuun karaa viidiyoo uummata Oromoo biraan ga’aa ture. Sirboonni isaa ergaa hawaasummaa, eenyummaa, qabsoo, jireenya uummataa fi rakkoo hawaasaa calaqqisiisan hedduu qabu. Sirboota isaa keessaa muraasni: 1,Dhageessaa yaa lammii koo, Dhageessaa yaa qomoo koo. Fardi kooraa malee, Sanyiin iddoo malee, Qabsoon lammii malee hin bareedu. 2,Hiyyooshee ya hiyyoolee hiyyoo, Daamaraa muree. Hiyyooshee ya hiyyoolee hiyyoo, Si boraasisaam. Hiyyooshee ya hiyyoolee hiyyoo, Dubbii dheengaddaa. Hiyyooshee ya hiyyoolee hiyyoo, Warra keetti himee. Hiyyooshee ya hiyyoolee hiyyoo, Si gorrasiisaa. 3. EMMOLEE Ya bishaan bishaan biraa, Emmolee! Dhidheessaa fi Daabbusii, Emmolee! Nashee Fincaa’aa Amartii, Emmolee! Awwaashii fi Gannalee. 4.Jajjabeen nama dhibaa, Kan darbe hin himatanii. Waan roorroo hin himatani, Waan garbummaan nu goote Kan jedhu muraasa isaanii tureem! Seenaan well Jireenyaa Dassaaleny seenaa weellisaa tokkoo qofa miti. Seenaa artistii aartii isaa keessatti eenyummaa, afaan, aadaa fi jireenya uummata isaa ibsaa tureeti. Yeroo artistoonni hedduun rakkoo garaagaraa keessa turanitti, inniis hiriyoota isaa waliin karaa aartii qooda isaa bahachaa ture. Gaaffiin koo har’aa garuu: Artistoonni seenaa akkasii keessatti qooda qaban maaliif yeroo tokko tokko dagatamu? Seenaa isaanii barreessuun, hojii isaanii yaadachuun, dhaloota itti aanuuf dabarsuun dirqama dhaloo

Sanyii Fufii Guraaraa
Sanyii Fufii Guraaraa
Open In TikTok:
Region: ET
Thursday 19 November 2026 17:32:56 GMT
688
258
45
149

Music

Download

Comments

nasii527
nasii :
galatoomii goota koo dhugaa jettee
2026-11-19 18:38:59
0
gamta.damte
Gamta D jote @ :
wayyoo dhirako😂
2026-11-19 18:11:24
0
ararsatasfaye353
Araarsaa Tasfaayee🎶🎵🎵 ❤💚❤ :
Jireenyaa nama guddaa ❤️❤️❤️❤️❤️
2026-11-19 18:21:13
1
qixxoo1
Qaroo☕ :
Abbaa iyyooshee
2026-11-19 18:04:19
0
carraadarajjee
Carraa darajjee CD :
Sanyii jabaa ilmaa saba isaaf miira dhugaan jiraatu nuuf jiraatu nuuf jiraadhu🥰
2026-11-19 17:42:37
1
biyansa.kabada7
Biiyyaaf Art :
mal ta,ee iasa ibsii mee
2026-11-19 18:33:20
0
warqee10
Warqee Sh 430 ❤️💚❤️ :
uffff dhugaa waqayyoo anii nama kanaa wayeen isaa yeroo hundaaa nama jalalaa akka tahee ummannii oromoo hundii iyyuu beekaa dhugaa atii nuuf jiradhuu saanyii offii jireenyaa mucaa biyaa offii💞♥️💪
2026-11-19 18:07:35
0
yoobiifikoo
Yoobii :
Isaa haa jajjabeessu
2026-11-19 18:31:12
0
roobaa.guudda
Roobaa Guddaa :
Artistii jallatamaa sagalee qabeesaa
2026-11-19 17:42:02
0
shantam.shubbisa2
shantam shubisaa2 :
nu bonsite sanyiko
2026-11-19 18:25:22
0
iyyu.tamiru
Iyyu Tamiru :
sanyii jabaakoo ati nuuf jiraadhu qalii ilma
2026-11-19 17:37:20
0
obsitukoo
Falmataa💚❤️💚430 :
ufffff abba qabsoo dhugaa rabbii isin haa jabeessuu
2026-11-19 17:37:02
0
user4885999556224
Namoo namoo :
🥰🥰🥰🥰🥰🥰sanyii namaa senàa hojetedha
2026-11-19 17:45:15
0
user20154666659383
user20154666659383 :
waahuuu
2026-11-19 18:22:35
0
danielberisso
Dani Bariso :
saanyii👌👌👌👌👌👌👌
2026-11-19 17:37:52
0
fiisaa.kuumasaa
Fiisaa Kuumasaa :
🥰🥰🥰🥰🥰🥰🌹🌹🌹
2026-11-19 17:48:04
0
warqee10
Warqee Sh 430 ❤️💚❤️ :
saanyii saanyii nama atimoo d nuuf jiradhuu atii dhugaa ilamaa sabaf jiratuudhaa obboolleessaa lubuu ♥️♥️💞💪
2026-11-19 18:09:20
0
aduletegodu
Adu Kilole :
harka xuqxeen mee kan sirba Mulugeetaa Garramuu inbox godhimee... 😭
2026-11-19 18:17:19
0
bashanahorro2
bashana Guduru :
jireenyaa dassaalee qaaman illee argee nan beeka.Nama jaallatamaa fi kabajamaa akkasumas dandeettii addaa qabudha.
2026-11-19 18:08:44
0
meri985667
meri 🎀 :
👌👌👌
2026-11-19 18:29:46
0
sinaoro3
𝓑𝓸𝓱𝓪𝓻𝓽𝓾 :
🥰🥰🥰
2026-11-19 18:23:57
0
firoye430
FIROOMSAA :
🥰🥰🥰
2026-11-19 18:19:40
0
ilmahorroo
jiroo430 :
🥰🥰🥰
2026-11-19 18:17:16
0
jabanrabbiiqof
Jiranuus salalee :
🥰🥰🥰🥰
2026-11-19 18:29:25
0
gumaaoromiya4
Gumaa Oromiyaa 🇺🇸🇺🇸🇺🇸 :
🥰🥰🥰🥰🥰🥰🥰🥰🥰
2026-11-19 17:35:38
0
To see more videos from user @sanyiifufiiguraaraa1, please go to the Tikwm homepage.

Other Videos


About