@aishanabeel95: كل قوة تدرسها… هي قرار راح تاخذه بإيدك كمهندس. بهالفيديو شرحت القوى الأربع الداخلية (Internal Forces): منين تجي، ووين تكون حاكمة، وشلون نحلها بالتصميم. القوة المحورية (Axial Force): حاكمة بالأعمدة. الحل إن نكبّر المقطع ونزيد الحديد، وننتبه للانبعاج (Buckling). القص (Shear Force): حاكم يم المساند، وحول العمود بالبلاطة المسطحة (Punching Shear). الحل أتاري متقاربة (Stirrups)، أو نسمّك البلاطة حول العمود (Drop Panel). العزم (Bending Moment): حاكم بنص الفضاء وعند المساند. الحل إن نحط الحديد بجهة السحب، وإذا العزم كبير نعمّق المقطع. اللي (Torsion): حاكم بجسور الحافة (Edge Beams). الحل أتاري مسكّرة (Closed Stirrups) وحديد طولي على الجوانب. 📌 احفظ الفيديو، لأن الجدول اللي بالآخر تحتاجه بكل عنصر تصممه.