@butterflllyy4: اس کی یادوں نے میری زندگی عذاب کر رکھی ہے، وہ یادیں میرے ذہن پر اس قدر حاوی ہو چکی ہیں کہ میں چاہ کر بھی ایک لمحے کے لیے ان سے آزاد نہیں ہو پاتی۔ میرا ہر پل، ہر لمحہ اُسی کے خیالوں میں گزرتا ہے۔ میں جتنا بھی خود کو مصروف رکھنے، خوش رہنے اور اس کی یادوں سے نکلنے کی کوشش کرتی ہوں، نہ جانے کیوں وہ یادیں میرا پیچھا نہیں چھوڑتیں۔ کبھی لگتا ہے کہ کاش یہ سب میرے ذہن سے نکل جائے تاکہ میں بھی ایک عام انسان کی طرح سکون سے جی سکوں، اپنی زندگی میں آگے بڑھ سکوں اور دوبارہ خوش رہنا سیکھ سکوں، لیکن اگلے ہی لمحے دل میں ایک عجیب سا خوف جاگتا ہے کہ اگر اس کی یادیں ہی میری زندگی سے نکل گئیں تو پھر میرے پاس باقی کیا رہ جائے گا؟ میں کس کے سہارے جیوں گی؟ میری زندگی کا مقصد ہی کیا رہ جائے گا؟ بس اسی کشمکش میں ہوں، ایک طرف اس کی یادیں مجھے ہر روز تکلیف دیتی ہیں اور دوسری طرف انہی یادوں کو کھونے کا تصور بھی مجھے اندر سے خالی کر دیتا ہے۔ اب تو خود بھی سمجھ نہیں آتا کہ میں کیا چاہتی ہوں؛ اُس کی یادوں سے نجات یا اُنہیں ہمیشہ اپنے ساتھ رکھنا۔ بس کوئی اُس سے کہہ دے کہ مجھے نہ یاد آیا کرے، کیونکہ میں اُس کی یادوں سے بہت تھک چکی ہوں، مگر سچ یہ ہے کہ آج بھی اُن یادوں کے بغیر رہنے کا تصور نہیں کر پاتی #viralvideo #fypage #sad #foryou #poetry