@aqtobe_oblysy_akimdigi: ⚜️ Жас домбырашы Ұлжан Шүрен облыс әкімі Асхат Шахаровтың қабылдауында болды «» Бүгін жас домбырашы, Қазанғап атындағы өнер мектебінің оқушысы Ұлжан Шүренмен кездестім. Домбырасын серік етіп, қазақтың халық әндерін орындап, ұлттық өнерімізді насихаттап жүрген жас таланттың өнеріне тәнті болдым. Өзім де Ұлжанның орындауындағы «Ақбұлақ» әнін тыңдадым. Шын көңілмен, ерекше сезіммен орындаған әні жүрекке жетті. Биыл туғанына 100 жыл толып отырған Бәкір Тәжібаевтың шығармашылығын дәріптеп жүргені де қуантады. Ұлттық өнерге деген осындай құрмет пен ықылас жас ұрпақтың бойынан табылғаны – үлкен үміт. Ұлжан, домбыраңның үні үзілмесін! Өнерің өрге жүзіп, қазақтың әні мен күйін әлі талай биіктерге жеткізе бер!