Suc🌙 :
Deyirlər bəzi sevgilər bitmir.Mən də buna uzun müddət inanmışdım.Elə bilirdim ki,iki insan bir-birini həqiqətən sevdisə,heç nə onları ayıra bilməz.Amma həyat mənə başqa bir həqiqəti göstərdi ki,bəzən sevgi sonsuz olur sadəcə münasibət sonsuz olmur.Bir-birimizi çox sevdik.Gülüşümüz də oldu,göz yaşımız da.Bir-birimizin ən gözəl gününə də şahid olduq,ən çətin anında da yanında olduq.Bir baxışdan nə düşündüyümüzü anlayacaq qədər yaxın idik.Sanki bu dünyada hamı yad idi,bir-birimiz isə ev kimi gəlirdi.O qədər xatirə yığdıq ki,hər küçədə izimiz qaldı,hər mahnıda bir hissəmiz gizləndi,hər gecədə danışdığımız sözlər səssizcə qaldı.Amma demək ki,bəzən xatirələr qalır,münasibətlər isə yarımçıq bitir.Ən ağır olan ayrılıq deyilmiş.Ən ağır olan,içində hələ sevgi varkən uzaqlaşmaq imiş.Hələ də onun adını eşidəndə ürəyinin titrəməsi imiş.Hələ də onun sevdiyi şeyləri görəndə ağlına gəlməsi imiş.Hələ də dualarında xoşbəxt olmasını istəyib,həyatında yerinin qalmadığını qəbul etmək imiş.İnsan sevdiyi birini unutmağa çalışmır əslində.Sadəcə onsuz yaşamağa öyrəşməyə çalışır.Əvvəl çətin olur.Hər şey onu xatırladır.Sonra zaman keçir,ağrı azalır amma iz qalır.Çünki bəzi insanlar gedəndə belə tam getmir,bir hissəsi səndə qalır.Bizim sevgimiz bəlkə də həqiqətən sonsuz idi.Çünki bitəndən sonra da içimdə yaşamağa davam etdi.Günlər keçdi,fəsillər dəyişdi,gecələr səhərə çevrildi amma bəzi hisslər yerini dəyişmədi.Sadəcə səssizləşdi.İndi başa düşürəm ki,hər sonsuz sevginin sonu qovuşmaq deyil.Bəzilərinin sonu xatirə olur.Bəzilərinin sonu gecələr yada düşmək olur.Bəzilərinin sonu isə bir insanı heç vaxt tam unutmayacağını qəbul etmək olur.Bizim münasibətimiz bitdi amma içimdə sənə olan sevgi heç vaxt tam bitmədi.Sonsuz sevginin sonu bəzən ayrılıq olur.Amma ən acısı odur ki,ayrılıq sevgini öldürmür.Sadəcə insanı dəyişdirir.Və bəzi insanları əvvəlki kimi sevə bilməyəcək hala gətirir..
2026-11-21 16:29:18