@alkrtaom: صابر معاك كلمات : تاج السر عباس غناء 🎤 حسن خليفة العطبراوي 🎻🎻🎻🎻🎻🎻 صابر معاك صبرا طويل كاتم العلي و أصلو العلي ما مر يوم بخيال بشر لو قلتي قيس !!! والله قيس بالنسبة لي لا شاف عذاب .... لا ضاق ألم .... لا قاسي مر 🎻🎻🎻🎻🎻🎻 من كم سنة يا ستنا من كم سنة ؟ عايش معاك زي الغريب و ايامي لافيها الضنا من كم سنة قلبي الحزين زي اليتيم لا ضاق حنان لا شاف هنا من كم سنة ما قلتي لي أخبارك إيه مالك مشيت من حينا ؟ و لا جيتي مارة علينا يوم زرتينا يا جارة الهناء و لا قلتي يوم أسأل عليهو.... الزول قريبنا و مننا 🎻🎻🎻🎻🎻🎻 معذورة يا ست البنات يا ست عقابنا و كلنا مخلوقة إنتي .... تعيشي فوق و تكوني فوق تكوني فوق ما جنبنا ما ست سماحة .... و ست جمال .... ما زي بناتنا و زينا تعبانة ليه بس تسألي ؟ مجبور عليك بسأل أنا 🎻🎻🎻🎻🎻🎻 أروح أجيب ضي النجوم منضوم عقود لي بتنا حزمة صباح و بحر عطور و أمشاط حرير لي ستنا أصير جميل علشان عينيك تنساب موسيقى و دندنة شاعر عشان خاطر بسيمتك يقول حروفو عليك غنا إحساسنا ليك و شوقنا ليك لكن قلوب ما عندنا ما قلوبنا عندك من زمان يا ست عقابنا و ستنا . #العطبراوي