لمن تفكري في الزواج اول حاجه حددي هدفك لانو حياتك بتتبني عليه لانو في بنات م بعاينو للراجل واخلاقو بعاينو للقروش وفي رجال بعاينو للجمال ديل اكتر اتنين بخربو اي شي لانو لم السماحه تختفي هو تاني م حيقدر يعاين ليك ولمن يفلس نفس الشي حيكون الهدف انتهى وم حتقدرو تتاقلمو مع بعض
اول خطوه تعمليها تستخيري كتير وتوكلي امرك لله من كل قلبك لانو صدقيني مهما كان الحصل حتكوني مرتاحه واهم حاجه الاحترام والتقدير والثقه والتفاهم والاهتمام حاولي بادري انتي هو بتعلم منك خليك حنينه الحنيه بتكسر كل شي قاسي وقت م تجي قسمتك خليك مقتنعه انو ربنا مختار ليك الزمن والمكان الصاح لحياتك انتي وم تقارني حياتك بزول كل زول حياتو مختلفه
وان شاءلله ربنا يوفقك ويسعدك ويحفظك وين م تكوني واتنمى ليك حياه مريحه وسعيده وم تنسي القناعه ياحلوة ❤❤
2026-11-22 07:39:04
114
ضحكةة باهتةة :
انا متزوجه مرتين المره الاولي اتزوجت ود خالتي حب اربعه سنه واتزوجنا ولمن تميت معاهو سته شهور اتطلقت وفي السته الشهور دي حملت وجبت ولد الحمد لله ولمن بقي عمرو اربعه سنه افترضو علي الزواج وقلت خير المره دي ما ح اختار السماحه ولا الحب ولا القروش المهم زوج يحترمني ويحترم ولدي وأهلي وم يسئ لي بكلمه نهاي ويكون غريب شديد يعني م من الأهل والحمد لله اتزوجت الغريب وكان قريب علي شديد مع انو م المواصفات الانا دايرها بس محترم وبحترمني شديد وشاريني ومعيشني احسن عيشه ومشيت ليهو في الإمارات قعدت معاهو سنه وجيت راجعه لي ولدي وتاني راجعه ليهو 🥰
نصيحتي ليكن اختارو الغريب قبل القريب واتزوجي بدون حب لنو الخذله كعبه وم تدخلي شخص في حياتك الخاصه ابعدي من الأهل +الطرفين بتعيشي مرتااحه
حب كبير لأي بت اتخذلت من الحب وم استلمت 🥰
2026-11-22 08:21:04
48
Omnia 🦢 :
بس أنا ما متزوجة برضو دي نصيحتي ❤️من بت لبت ❤️قبل الزواج، أهم درس إنك تعرفي نفسك وقيمتك، وتفهمي إنو الزواج ما مجرد حب وفرحة وفستان أبيض، الزواج مسؤولية وتفاهم وصبر واحترام
اتعلمي تكوني مستقلة، وعندك شخصيتك وأحلامك، وما تدخلي الزواج عشان تهربي من واقعك.
وبعد الزواج، أهم حاجة تتعلمي إنو الحب براهو ما بكفي، لازم يكون في احترام واحتواء وتقدير وتنازل من الطرفين، وما كل خلاف يستاهل الزعل، وما كل حاجة مفروض تسكتي عنها
وأهم درس: ما تفقدي نفسك عشان ترضي أي زول، وخلي كرامتك وراحتك النفسية دايماً عندك قيمة. ❤️
2026-11-21 18:34:55
57
SAMAH WAGDI _SW :
نصيحتي لكل بنوته قسسسمتك والله لما تكتب بتجي وبترضيك وبتسعدك وكاانك بتحبي ومنتظرة مليون سنه مش سنه وبس [عيون بشكل قلب][عيون بشكل قلب]
اهتمي بروحك وتفاصيلك وصلي واتحصني واقري قرآنك وصدقيني ربنا مابرجعك ابدا 💋❤️😘
لما ربنا يدي القسمه ابقي عشرة ع زواجك وابعدي حياتك عن عيون الناس وانبسطي بتجربتك براااك ماتسمعي من زول ما تقارني حياتك بحياه زول ♥️😘💋
وبس كدا
2026-11-22 11:58:55
27
🌸 Heho🌸 :
دي وصيتي لنفسي كل يوم و ليستتي قبل اتزوج و لحد ما الاقي المواصفات العايزاها و ما حصل حسيت انو مستحيل
وصيتي لنفسي قبل اوصيكم هي انو خليكم دائما مصابين بالوعي و النضج ما تختاري حبيب اختاري اب لاطفالك و صاحب و رفيق و سند ليك الحياة صعبة من كل النواحي ما محتاجين نصعبها على بعض اكتر. اختارو البيهون عليكم الطريق و تهونو عليهو الايام و اختارو الشريك البيحفظكم في غيابكم قبل حضوركم اختارو الشريك المتفاهم الناضج ما تتزوجو عشان ضغط المجتمع و انك ما اتزوجتي اتزوجي لمن تكوني جاهزه تكوني ام قادره تشيلي مسؤلية طفل يفتخر انك امو و تفتخري بتنشئة اسرتك تنشئه سليمه قبل كل دا صوني نفسك و قلبك ما تدي لزول ما بيستاهلو و ما عارف قدرك و ما تدي فرص لزول متردد او ما عارف هو عايز يوصل معاك لشنو عشان الندم و الخزلان و ضياع الوقت اصعب من كل شي
💚💚💚
2026-11-22 14:04:28
14
username 3535 :
م في شي اسمو أختاري صح م في زول بظهر ليك انو غلط وانتي ح تتزوجي كلهم بمثلو انهم الصاح بعدها تكتشفي الصدمه
2026-11-22 10:31:48
16
إستثنائية🥰 :
انك م تستعجلي علي الزواج قبل تتمي ٢٥ سنة في العمر دة انتي بتكوني فهمتي نفسك وفهمتي الحياة وبتقدري تاني تقيفي قدام كل التحديات مع الشريك الصح
2026-11-22 07:26:27
19
ToTa :
ي بنات الكومنتات رهيبة قمة في درجة الوعي و الفهم ربنا يحفظكم و يبارك في أيامكم المتزوجات ابقو عشرة على بيوتكم و مسؤوليتكم و اللسه م اتزوجو قسمتكم م بتفوتكم بإذن الله ♥️♥️♥️♥️
2026-11-22 15:00:34
5
وردة مبتسمه 😍 :
نصيحتي ليكي مهما حصل م تعيش معاهو في بيت اسره والله والله والله هتكرهي حياتك 😭😭😭
2026-11-22 10:26:50
11
نوشه كمال :
اتزوجت وعمري ٢١ سنه بس م كنت فاهمه مسوليه الزواج والا اي من المسؤليات وفي بيتنا م كنت بعمل الحاجه بس سبحان الله لمن اتزوجت الحاجه الوحيده الكنت مقتنعه بيها انو م بخييييل وزول كريم وشهم والاحترام وكل شي في ي رب لك الحمد الكمال لله بس أبدا م غلطت في اختياري ولينا ٦ سنين وعندنا طفلين ي رب لك الحمد لله اي م ذي م كنت في بيتنا بس انسان مهون علي الحيااااه وي رب لك الحمد قدرت علي الحاجه خلاث م قدرت لا ولان بعاملني دي م عرفتو من اول ودي اكتر حاجه مريحاني وممكن يستخسر الحاجه في نفسو بس انا لا وم برفففض لي طلب ابداااا ي رب لك الحمد لله انسانه ممتنه ليه جدا وربنا يديم المحنه والالفه بيناتنا ي رب لك الحمد ي رب لك الحمد ❤️❤️❤️❤️❤️❤️❤️ويرزقووو من حيث لا يحتسب 💚
2026-11-22 08:01:30
31
Rere :
م تصدقي راجل نهائئ وم تعتمدي ع الحب الزواج حاجه تانيه ندمت اني اتزوجت عن حب ضيعن نفسي اتزوجت أكبر مني ومتزوج بس م كلمني الا بعد سنتين حب ولقيت م قارده اخلي حاليا جيت بنوته وكل يوم بصحا ببكي بقول اللهم لا اعتراض في حكمك بس ده م مكاني ومخي كان وين لما وافقت اتزوج وانا من صغيرة بكره التعدد ومن سابع المستحيلات اتزوج زول باولاده بس ربنا اراد كده بسال نفسي ده منو الدعا علي ولا ي ريي الحكمه شنو من الحصل لي ده بس لو رجع بي الزمن. م بتزوج حتي لو ميته حب مع انه مقدرني محترمني بس فكره اني زوجه تانيه م قادره عليها وبقت في بت فالنص م قادره اتحمل وم قادره اظلما البييي واحرما ابوها
2026-11-22 12:44:00
5
Areej Loai :
اختاري الزول البتهوني عليه البخاف عليك البسندك اليستحملك وقت تعبك ويكون معاكي في الضراء قبل السراء الما بذكرك بعيوبك و يفتخر بيكي ويحسسك انك اعظم م امتلكه في هذه الحياة اختاري الهيكون امانك قبل خوفك بس كمان م تخلي يكون محور الكون بالنسبة ليك لانو الخذلان موجود في كل صفحة من صفحات حياتنا ولو خذلك هتتعبي شديد عشان كوني معاهو طبيعية ووسط في كل شيء حبك اهتمامك ليهو اي شي كوني وسط فيهو
2026-11-22 05:38:54
11
☾ 𝓜𝓸𝓸𝓷𝓵𝓸𝓿𝓮𝓻 ☽🫂🪐 :
خليك عارفه انو الراجل ما بستاهل انك تزلي نفسك عشانو وتخلي يقلل من قيمتك وما تخلي الراجل محور الكون بي النسبه ليك لانو الخزلان البعدو كعب شدييييييييد وعاوزه اقول ليك يا اختي اااي شي قسمه ونصيب بس ما تخلي العيب يجي منك ولو هو كعب او سمح وانحنا ك متزوجين عارفين مافي راجل سمح وما كل الرجال كعبين بس انت حافظي علي نفسك في وجودو وغيابوو خليك واعيه وبالك طويل [نصيحه من متزوجه ]🥰😇
2026-11-22 03:57:35
16
Fatina :
القروش بتجي بمرور الوقت فا ما تكون سبب لرفضك انسان خلوق وكريم
2026-11-22 09:35:27
5
~بت البادية 🩷🎀 :
انو احسن الاختيار قبل العرس
عشان م اتصدم
لكن للأسف اتصدمت وانتهيت ❤️🩹❤️🩹
اختارو صح ي جماعة قبل م تخطو اي خطوة
2026-11-22 09:09:36
6
S_a_m_h_a🫀 :
اتعلمت انو بيت الأب ما بتتعوض ومافي زيو مهما كان اسمتعتوا في فترتكم مع ابهاتكم يا بنات
2026-11-22 11:14:21
6
lemoo💛🌼✨ :
اختارو ناس تحبكم وترتاحو معاها نفسياً وتكونو راضين علي اختياركم ومبسوطين بيها ما تحاولو تجاملو ع خاطر حياه كامله ح تضيعو جدا جدا اختارو بكل وعي دي حياه كامله ركزو بسس مع الشريك المناسب تحسو نفسكم سوين جميلين روحكم حلوة تحسو روحكم اطفال اطفال لان في كميه من الامان في العلاقه وكميه من الراحة والحب والمودة م تضحو عشان خاطر علاقتكم ابدا وبس ربنا يسعد اي بنت مع اللي بحبها ويكون من نصيبا يارب🥺❤️
2026-11-22 04:47:19
5
سرو💅🏽🤍 :
خليكي سند لي نفسك طول العمر ❤️🩹
2026-11-21 18:11:33
6
Dafoo🤤♥️ :
انا كنت متزوجة غريب م من الاهل وامي الله يرحمهااا قالت لي ي ضفاف ي بتي م تعرسي الود دااا انا م مرتاحة لي وسبحان الله انا م كنت عارفةة للعرس شي وانا بت16 سنةة المهم شائت الاقدار وعرستوو أول سنتين كانو حلوووين حب ودلال وقاعدة في بيت اسرة واخواتو وامو واخوانو وعايشين عاااادي بس في نهاية 3 آلام وبناتها اتغيروو ومشاكل ومطاعنات وتحرض علي ولادهااا وإنو انا م بسمع الكلام وم بحترموو وفي حين انو انا شايلة مسؤلية البيت كلووو ع راسي لا كليت ولا مليت في النهاية بقيت كعبة وضرب واهانةة وزلة ومطاعنات انا طوالي اخترت البعد جيت قعدت في بيتنا سنتين وطالبت بالطلاق وامي اتوفتت الله يرحمهااا ويغفر ليهااا وحاليا عايشين في بيتنا وسط اخواني وخالاتي في امن وأمان🥺🥺🥺💔 وصيتي لي اااي واحدة استخيري ووكلي أمرك لله وربنا يسعدكم ويديكم الاولاد الحلال وربنا يديني معاكم 😂😂😂💔
2026-11-22 17:52:29
1
اللهم عمره 🌸 :
مممكن لايك ي بنات ❤️❤️❤️
2026-11-22 17:38:46
1
حلا خالد :
التعليقات حلووووه شديد
2026-11-22 15:24:47
1
ام البنات❤️ :
ماتتنازلي على حساب راحتك ابددددداً مهما كان السبب عشان ح تتعبي وتندمي شديد
2026-11-22 17:36:59
1
🎀🌬sojeee🌬🎀 :
ما تحبي وما تقولي انو بحبك وتعملي عشانو اي حاجه بجد بجد ح تندمي صدقيني الحب أعمى ما بتشوفي البتعملي فيه لكن اول ما تسيبو بعض بتعرفي نفسك كنتي هبله والحب عامييك
2026-11-22 17:45:31
1
@Nanoo :
بعيدا عن كل شي اسمك حلو المنينن♥️♥️
2026-11-22 16:44:56
0
مني جنابو :
ح عمل اسكرنات لي كومنتات توحفه دي بجد كلام محتاج يدون ارجع افهمو اعيدو وقت شده والفراح
2026-11-22 15:17:22
1
To see more videos from user @manoya32, please go to the Tikwm
homepage.