@musabko4: علّمني يا زول كيف أخبّي ريدك، وإنت الساكن في ملامحي قبل ما تكون في قلبي؟! كيف أعمل عادي وسيرتك تمرّ قدّامي، وأنا قلبي من مجرّد اسمك بقوم من محلّو؟ وكيف أضحك وسط الناس، وأنا في داخلي شوق ما بتلمّو ضحكة ولا بتوصفو حروف؟ والله ما ساهلة أخفيك، إنت بقيت ظاهر في سكاتي، في شرودي، في عيوني البتفتّش عليك من غير ما أشعر.. بقيت الحاجة البتفضحني وأنا بحاول أتظاهر بالعافية. ياخ أنا ما عارف أدسّك وين، وإنت ما خليت فيني حتّة ما مرّيت عليها.. ❤️ كيف أخبّيك من العيون، وإنت مالي عيوني؟ 💜🌸