@rahf3016: المقادير: 🥛 ٢ كوب حليب 🌾 ٢ كوب دقيق 🥚 ٢ بيضة 🧂 ربع معلقة صغيرة ملح 🫒 ٢ معلقة كبيرة زيت أو زبدة 🍬 لو كريب حلو نضيف سكر حسب الرغبة طريقة التحضير: 1️⃣ انخلي الدقيق وحطي عليه الملح. 2️⃣ في بولة تانية اخفقي البيض كويس، وبعدها ضيفي الدقيق بالتدريج مع التقليب. 3️⃣ متقلقيش لو الخليط اتكتل في الأول، كملي خفق عادي. 4️⃣ ضيفي الحليب بالتدريج مع الخفق لحد ما الخليط يبقى ناعم وخفيف من غير تكتلات. 5️⃣ ضيفي الزيت أو الزبدة وكملي خفق لمدة دقيقتين بالكتير. 6️⃣ غطي الخليط ودخليه التلاجة يرتاح شوية قبل الاستخدام. طريقة التسوية: 🔥 سخني طاسة غير لاصقة وادهنيها مسحة زيت خفيفة جدًا. 🥄 صبي مقدار مغرفة صغيرة من الخليط ولفي الطاسة بسرعة عشان العجين يوزع في كل القاع بطبقة رفيعة. 🍳 سيبيه لحد ما الأطراف تنشف والوش يبدأ يتماسك، وبعدها اقلبيه على الناحية التانية لحد ما ياخد لون دهبي خفيف. 🥞 أول ما يستوي هتلاقيه بيتحرك بسهولة من الطاسة، طلعيه وكملي باقي الكمية. ملحوظات مهمة لنجاح الكريب 💡 ✨ لو الخليط تقيل، زودي شوية حليب. ✨ لو الكريب رفيع زيادة ومش بيتماسك، زودي معلقة دقيق وقلبي كويس. ✨ لو الكريب ناشف، راجعي قوام الخليط وممكن تزودي شوية حليب. ✨ متخليش الطاسة سخنة زيادة عشان الكريب يستوي بهدوء ويطلع طري. جربوه وقولولي بتحبوه حادق ولا حلو؟ 😍❤️ #كريب #كريب_بيتي #وصفات_سهلة #أكلات_سريعة #وصفات