@sayam.poetry: زندگی میں سب سے بڑی غلطی یہی ہوتی ہے کہ ہم کچھ لوگوں کو ان کی اوقات سے بڑھ کر عزت، محبت اور اہمیت دے دیتے ہیں۔ ان کے لیے اپنے دل میں وہ مقام بنا لیتے ہیں جس کے وہ کبھی حقدار ہی نہیں ہوتے۔ ہم ان کی ہر غلطی کو نظر انداز کرتے ہیں، ان کے تلخ رویوں کو برداشت کرتے ہیں، ان کی بے رخی کے باوجود ان سے اچھے اخلاق سے پیش آتے ہیں، صرف اس امید پر کہ شاید ایک دن انہیں ہمارے خلوص، محبت اور عزت کی قدر ہو جائے گی۔ مگر افسوس کہ کچھ لوگوں کی فطرت میں قدر کرنا نہیں ہوتا، انہیں جتنا بھی عزت دے دو، وہ اسے اپنا حق سمجھنے لگتے ہیں۔ ہم خاموش رہیں تو وہ ہمیں کمزور سمجھتے ہیں، ہم برداشت کریں تو وہ ہمیں بے بس سمجھتے ہیں، اور ہم رشتہ نبھائیں تو وہ ہماری مجبوری سمجھ بیٹھتے ہیں۔ انہیں یہ احساس ہی نہیں ہوتا کہ جس انسان کو وہ بار بار نظر انداز کر رہے ہیں، وہی انسان کبھی ان کے لیے اپنی خوشیاں، اپنا سکون اور اپنا وقت قربان کرتا تھا۔ لیکن ہر خاموش انسان کمزور نہیں ہوتا، ہر برداشت کرنے والا بے بس نہیں ہوتا اور ہر محبت کرنے والا بے وقوف نہیں ہوتا۔ کبھی کبھی انسان صرف اپنے اخلاق کی وجہ سے خاموش رہتا ہے، ورنہ جواب دینا اسے بھی آتا ہے۔ اب زندگی نے یہ سبق سکھا دیا ہے کہ ہر کسی کو اپنی زندگی میں خاص مقام نہیں دینا چاہیے، ہر مسکرانے والے کو اپنا نہیں سمجھنا چاہیے اور ہر رشتے کو بچانے کے لیے اپنی عزتِ نفس قربان نہیں کرنی چاہیے۔ کیونکہ عزت وہی خوبصورت ہوتی ہے جس کی قدر بھی کی جائے، ورنہ بے قدر لوگوں کے سامنے اپنی اچھائی ثابت کرنے سے بہتر ہے کہ خاموشی سے ان کی زندگی سے دور ہو جایا جائے۔ ہم آج بھی عزت کرنا جانتے ہیں، آج بھی دل میں کسی کے لیے نفرت نہیں رکھتے، مگر اب کسی کو اپنی عزت سے کھیلنے کی اجازت بھی نہیں دیتے۔ یاد رکھنا، کسی کو عزت دینا ہماری تربیت ہے، لیکن اپنی عزت بچانا ہماری ذمہ داری ہے۔ 🖤🥀 #creatorsearchinsights #sadqoutes #deepquotes #viralvideo #unfrezzmyaccount