@saka__ph: Ano ang kasagutan sa talamak na korapsyon? IBAGSAK ANG BURUKRATA KAPITALISMO! Matagal nang umiiral ang sistematikong korpasyon sa Pilipinas kung saan ito ay pinayabong ng mga Burukrata Kapitalista-mga naghaharing uri na kumakamal ng yaman sa pamamagitan ng pandarambong sa rekurso ng estado at pagpapatupad ng mga polisiyang mas lalong magpapalago ng kanilang kapital. Ang mismong gobyerno ay nagsisilbing “Large Enterprise” para sa mga gahamang Burukrata Kapitalista. Sa bawat rehimen na nagdaan ay nag-iiba lamang ng anyo ang pagnanakaw ng Burukrata Kapitalismo ng estado. Mula sa mga 170 “dummy corporations” ni Marcos Sr., NBN ZTE scandal ni Arroyo, PDAF at Pork Barrel kay PNoy, Pharmally at korapsyon habang pandemya ni Duterte hanggang sa kasalukuyang flood control projects ni BBM. Bawat rehimen na nagdaan ay kumamal ng pansariling yaman mula sa pambansang badyet na dapat ay para sa taumbayan. Ang sumiklab na karahasan sa Mendiola nitong September 21 at ang tugon na pasismo dito ng estado ay ang reyalidad ng isang malapyudal at malakolonyal na bansa. Bunga ang malakolonyal na kalagayan mula sa IMPERYALISTANG dominasyon ng US gamit ang militar, pulitika, kultura at ekonomiyang agrikultural na pinapanatiling malapyudal at atrasado sa ilalim ng PYUDALISMO sa kanayunan. Ang malakolonyal at malapyudal na katangian ng bansa mismo ang nagluwal sa BURUKRATA KAPITALISMO, ang isa sa tatlong ugat ng kahirapan at kasawian sa Pilipinas kasama ng dalawa pang ugat na Imperyalismo at Pyudalismo. Ano ang kasagutan? Kung may Imperyalistang dayuhang umaani ng ating yaman? Ano ang kasagutan? Kung Pyudalismo ang namamayani sa kanayunan? Ano ang kasagutan? Kung mismong estado ay lungga ng Burukrata Kapitalismo? Ano ang kasagutan sa tatlong salot ng lipunang Pilipino?

SAKA

Open In TikTok:

Region: PH

Thursday 25 September 2025 04:00:11 GMT