@karakiya_ms: Референдумда үйде дауыс беру мүмкіндігі қамтамасыз етілді. Елімізде өтіп жатқан референдум барысында әрбір азаматтың дауыс беру құқығын толық жүзеге асыруға ерекше назар аударылуда. Осыған байланысты түрлі себептермен сайлау учаскесіне келе алмайтын азаматтар үшін заңнамаға сәйкес үй-жайда дауыс беру мүмкіндігі қарастырылған. Тұрғындардың алдын ала берген өтініштері негізінде учаскелік комиссия мүшелері арнайы тасымал жәшікті алып, сайлаушылардың үйлеріне барып дауыс беру рәсімін ұйымдастыруда. Бұл шара денсаулық жағдайына байланысты немесе басқа да себептермен учаскеге келе алмайтын азаматтардың конституциялық құқықтарын қамтамасыз етуге бағытталған. Комиссия мүшелері тасымал жәшікпен дауыс беру кезінде барлық заң талаптарының сақталуын қадағалап, рәсімнің ашық әрі әділ өтуіне мән беруде. Әрбір сайлаушы өз таңдауын еркін білдіруге мүмкіндік алып отыр. Сондай-ақ, үйде дауыс беру мүмкіндігінің ұйымдастырылуы – сайлау процесінің қолжетімділігі мен ашықтығын қамтамасыз етудің маңызды тетіктерінің бірі. ҚАРАҚИЯ АУДАНЫ ӘКІМДІГІНІҢ БАСПАСӨЗ ҚЫЗМЕТІ
