@knews24.media: #HABARI: Watu watano wameuawa na wengine watatu kujeruhiwa vibaya baada ya kushambuliwa na wananchi wenye hasira kali katika Mji wa Tunduma, wilayani Momba, kwa tuhuma za "kuiba" sehemu za siri za wanaume kwa njia za kishirikiana. Tukio hilo limezua taharuki kubwa mkoani Songwe, huku baadhi ya wanaume wakilazimika kuvaa pini na "rubber band" mikononi wakiamini kuwa ni kinga dhidi ya vitendo hivyo vya kishirikina vinavyotekelezwa kwa kugusa mabega. Mganga Mfawidhi wa Kituo cha Afya Tunduma, Dkt. Steven Kawogo, amethibitisha kupokea miili ya marehemu na majeruhi, huku Kamanda wa Polisi Mkoa wa Songwe, SACP Augustino Senga, akilaani kitendo cha wananchi kujichukulia sheria mkononi. Jeshi la Polisi tayari linawashikilia watu saba kuhusiana na mauaji hayo, huku uchunguzi wa kina ukiendelea ili kubaini ukweli wa tuhuma hizo na kurejesha hali ya usalama mjini Tunduma. #knews24updates #tunakutoakichakani

knews24 media

Open In TikTok:

Region: TZ

Thursday 02 April 2026 19:43:35 GMT