ترند كيكة لندن 🍫🍰 أكثر كيكة حسيت بالإنجاز لمن سويتها 😂 و انبسطت لمن ضبطت وطلعت الطبقات واضحة، لكن طعمها أعطيه ٦/١٠ 🌚 * الكراميل المملح - ١٥٠ غرام سكر ناعم - ٢٠٠ مل كريمة خفق - ١٥ غرام زبدة - رشة ملح * نحط السكر في طاوة على نار متوسطة حتى يذوب تماماً وبعدها نضيف الزبدة والملح ونحرك حتى يصير لونه غامق شوي. * في طاوة ثانية نحمي الكريمة الى ما تحتر بس (نشيلها قبل ما تغلي). * ونضيف الكريمة على الكراميل بالتدريج ونحرك بنفس الوقت. * ندخل الكراميل بالثلاجة لمدة ٤ ساعات أقل شيء وكل ما كثر كان أفضل. * بعدها نطلعه من الثلاجة ونخلطه بالخلاط اليدوي لحد ما يصير قوامه قوام كريمة ومتماسك. * غناش الشوكلاتة - ٢٣٠ غرام دارك تشوكلت - ١٨٠ مل كريمة خفق - ملعقتين كبيرة غولدن سيرب أو عسل - ١٨٥ غرام زبدة بحرارة الغرفة نقطعها مكعبات * نحط التشوكلت في المايكرويف ونذوبه. * في طاوة نحط الكريمة والسيرب ونحطهم على نار متوسطة الى ما يحتروا (بدون ما يغلي) ونشيله من على النار. * نحط شوي من الكريمة على التشوكلت ونحرك ونسوي نفس الشيء الى ما تخلص الكريمة. * بعدين نحط الزبدة على الخليط ونخلطه بنفس الخلاط الموجود بالفيديو. * كيكة الشوكلاتة - ٤٥ غرام زبدة - ٥٠ غرام دارك تشوكلت - ١٣٠ غرام دقيق - نص ملعقة صغيرة بيكنق باودر - ملعقة صغيرة بيكربونات الصوديوم - ربع ملعقة صغيرة ملح - ١٢٥ غرام سكر بني فاتح - ٢٥ غرام بودرة كاكاو - ١٠٠ مل قهوة (استخدمت قهوة سريعة التحضير) - ١٠٠ مل لبن - بيضة * نذوب التشوكلت والزبدة في المايكرويف ونصب عليهم القهوة واللبن والبيض. * نخلط الدقيق، البيكنق باودر، بيكربونات الصوديوم، الملح، السكر البني و بودرة الكاكاو مع بعض وبعدها نشخلهم على الخليط السائل ونخلط شوي وبعدها نصبه على صينية مقاسها ٩*١٣ انش و يكون عليها ورق زبدة. * ندخلها الفرن على حرارة ٣٤٠ لمدة ١٨ دقيقة. * بعد ما نطلع الكيكة نخليها تبرد وبعدها نقصصها ٣ قطع بالتساوي. * نحط غناش الشوكلاتة والكراميل المخفوق اللي سويناهم في البداية بكيس التزيين. * نجط القطعة الأولى من الكيكة في صحن أو شبك كيك ونحط عليها غناش الشوكلاتة وفوقها الكراميل المخفوق وبعدها القطعة الثانية ونعيد نفس الخطوات. * بعد ما نحط الطبقة الثالثة من الكيك نغطي الكيكة كاملة بغناش الشوكلاتة وندخلها الثلاجة لمدة ساعة أو ساعتين. وبالعافية 🤍 Credit to: @eddkimber #كيك #اكسبلور #وصفات #fyp #foodtok - @aisha.alharbi95