@hallaarabi: هل فكرتي قبل انو النجاح والفشل هنن وجهين لنفس العملة؟ انا هون عم بحكي على النجاح الظاهري أو الخارجي او بتقدري تقولي على المستوى المادي المعاناة وحدة ان نجحتي او فشلتي - أنا ما عم بحكي هون عن المشاعر اللحظية يلي بتجيكي أول ما حدا يمدحك أو يذمك، لأ عم بحكي عن المشاعر يلي بترافقك بعد ما تهدي وحماس الفرح او الحزن يسكن جواتك.. خليني أقلك كيف هنن نفس الشي: بالفشل بتخافي تجربي من جديد حتى ما تعيشي تفس الشعور المؤلم بالنجاح بتخافي تفشلي وتخسري سمعتك بين الناس بالفشل بتحسي بالدونية وأنه غيرك أحسن منك بالنجاح بتحسي بالفوقية وانك احسن من غيرك بالفشل بتحسي حالك تعيسة ومحبطة وعم تدوري على مخرج من يلي فيه وبالنجاح بتعيشي بحالة قلق مستمر انك تحافظي عاللي وصلتيله لما يكون مقياس نجاحك وفشلك مشروط برأي الناس، برستيجك، أو تقييم المجتمع إلك.. هون بصير "النجاح والفشل وجهين لعملة واحدة" وهي العبودية للخارج. الفاشل بيعيش محبط، والناجح بيعيش مرعوب من لحظة السقوط وخسارة المظاهر. وبالحالتين رح تكوني أسيرة لـ "الأنا" (الإيغو) اللي بتخاف طوال الوقت. يمكن تسألي حالك هلأ، طيب شو أعمل ما بصير أسعى وأنجح؟ ما هيك الفكرة، الفكرة انك تطلعي من اطار النجاح والفشل وتعريفاته. اعملي يلي بتحبيه ومقتنعة فيك لأنه شايفتيه انو هو الشي يلي بريحك بدون ما تنتظري حدا يصفقلك وبدون ما تخافي حدا ينتقدك. وهاد الشي بيشمل كتيييير شغلات بحياتنا دراسة، زواج، اولاد، لبس، مشاوير، ديكور، سفر، اكل، ستايل، اغاني، معتقدات و..و…و…و… لما بتحرري حالك من قيود الناس ومن رغبتك بالسيطرة على النتيجة، هون بترتاحي وبتلمسي شي من الطمأنينة بحياتك… وتذكري الحياة مالها مسابقة وبدنا نربح الكأس فيها - وما حدا أحسن من حدا إنما كل واحد إله تركيبته الفريدة ويلي مالها مثيل.
![[ 𝗟𝗮𝗸𝗶𝗮 𝘅 𝗦𝗮𝗰𝗵𝗶𝗸𝗮 ] Mamah sayang papaaahh😍😍 ✦ ✦ ✦ ──────── #KamenRiderVram #LakiaAmarga #SachikaAmane #Apipi #Aethofc ────────](/video/cover/7704565884949449985.webp)
