@user7179988196610: قصتي بدأت من ١٤/٢/٢٠٠٨ يوم عيد الحب انا كنت بعرفها قبل الزمن و كنا ممتحنين شهادة سودانية قصتي بدأت من ١٤/٢/٢٠٠٨ يوم عيد الحب انا كنت بعرفها قبل الزمن و كنا ممتحنين شهادة سودانية مع بعض ٢٠٠٧ و انا جبت ٧٨ و هي جابت ٨٠ بعد ظبتنا علاقتنا عال العال مشينا التقديم للجامعه مع بعض و قدمنا مع بعض و كتبتا الرغبات طب و صيدلة و هندسة مع العلم نحن كنا في المساق الأدبي و الرغبة الأخيرة اقتصاد عشان يتم قبولنا مع بعض و فعلا تمت الخطة بي نجاح تم قبولنا اقتصاد جامعه الجزيرة و قرينا مع بعض ٤ سنوات و هي درست ٥ سنوات لأنها كانت بروف الدفعه وانا علي الله حكايتي وكنا اجمل حبيبين في الجامعه كلها و كنت مفلس فلس السنين لكنها كانت واقفة معاي وقفة مقاتل أتخرجنا عام ٢٠١٢ ويوم التخريج قلت للحاج دي البنت الأنا دايرا قال لي مستحيل لكن الحكومة ( الحاجه ) كانت واقفة معاي و دا الكان مطمني اكثر و منها دخلت سوق مدني و رميت الشهادة بعيد يلا رزق اليوم باليوم و مشيت اتقدمتا ليها سنه ١٤ بعد ال٢٠٠٠ و للأسف تم رفضي بحجة انو ولد عمتها في لندن و عاوزها و هي ما ابدات اي ردت فعل كأنها ما كانت بتحبني و قلت ليهم ممكن اتكلم معاها علي انفراد قالوا تمام ناس بيتهم قلت ليها الحاصل شنو قالت ما بقدر اكسر كلام ابوي وطلعت من بيتهم وانا مكسور الجناح و حاولت انساها بالشغل و السوق و حاولت احب من تاني لكن ما قدرت و الحمد لله ربنا فتحتا لي من وسع لكن ما قادر انساها لكن يشهد الله من طلعت من بيتهم وانا مصصم اني ما أظهر في حياتها من تاني و ما اتصل عليها تاني وفي بداية عام ٢٠١٥ وانا في السوق جات داخلة علي في المحل و قالت السلام عليكم انا بقيت ما طبيعي و برجف براي سلمت و فاتت و بالليل اتصلت علي قالت لي اسفه وانا من غير ما أشعر قلت ليها و لا يهمك بس انا ما داير اتكلم معاك إذا دايراني خلي ابوك يكلمني لاني حافظ كل تفاصيلك و ما داير احبك اذا ابوك اتصل علي انا بجي البيت بالباب اذا ما اتصل انا ممكن اعيش ٢٠٠ سنه بدونك زي ما عشت سنتين و في شهر رمضان جاني اتصال من ابوها قال لي اذا جادي تعال البيت و انا ما صدقت خبر كلمت الوالد و قال لي انا ما موافق عليها كلمت الحكومت و أجبرت الوالد و فعلا مشينا و قالوا لينا مبروك و تمت الخطوبه و قعدت شهرين في السودان و جاني عقد عمل في الخليج مشيت عقدتا عليها و سافرت و الشغل كان ممتاز ٦ أشهر و هي معاي و كانت الدخلة في مكه سنه ٢٠٢٠ و الحمد لله ربنا سهلها علينا الان عندنا ولد و بنت و أمورنا المادية عال العال ربي لك الحمد الان لينا ١٢ سنه ما زعلنا بعض للعلم انا عندي ٣٦ سنه وهي الان ٣٣ سنه
