@ph.aya_ali9: قيمة المواكب ع الطريقة الاصليه اجنن اجنن تكدرون تقللون المقادير او تزيدوها المقادير _ كيلوين ونص لحم عجل شرح _ كيلو ونص حمص مكسيكي(نقعته ليله كامله وثاني يوم غيرت الماي مالته) _كيلو ونص بصل قطعته مكعبات بالجدر احمس البصل ولحم حمسه خفيفه اضيف الحمص واضيف ماي حار يغطي الحمص ولحم بس يفور الماي اشيل الزفره واسد الجدر واخلي ع نار هاديه الى متوسطه حتى يستوي بعد مايستوي لحم والحمص ادرخ و اهرس لحم كلش كلش زين ………بعدها ب طاوة بيها زيت ضفت علبتين معجون طماطه (وزن العلبه الوحده ٨٣٠ غم ) ضفت بهارات مطحونه (٣ ملاعق كبيره مليانه نومي بصره اشقر افضل من النومي بصره الاسود حتى لايتغير لونها …… ٣ ملاعق كبيره مليانه دارسين مطحون ..ملعقه كبيره مليانه كل من الهيل المطحون والكبابه ..كميه زينه من الملح) وضفت عليهم جزء من سوب سلق لحم بالتدريج واخلط المكونات ع النار حتى اتخلص من زفره المعجون اضيف المعجون ل لحم بالتدريج واخلط والباقي من مي سلق لحم.. واذا نحتاج بعد ماي نضيف ماي حار فاير واخلط كل المكونات زين واسد الجدر واخليها تتهدر كلش كلش زين خطوه التهدير ضروريه ….طريقه تمن القيمه الاصليه حتى تحصلون ريحه وطعم تمن المواكب الاصلي اهم شي الدارسين والهيل بجدر بي مي يفور مع اعواد دارسين وهيل عدل اضيف التمن مغسول ومنقوع نص ساعه بس يمتص التمن السوائل اضيف ع الوجه هيل ودارسين مطحون وزعفران نقعته ب ثلج قبل لا اطبخ التمن …نقعت الزعفران بثلج حتى احصل ع صبغه قويه بعدها اسد الجدر واخلي يتهدر ع نار هاديه والف عافيه

💞الصيدلانية آية💞

Open In TikTok:

Region: IQ

Saturday 20 June 2026 16:45:17 GMT