[part28]រឿង កុងត្រាស្នេហ៍ Bowen:ព្រោះខ្ញុំមិនចង់ឱ្យនាងលង់ខ្លួនជ្រៅជាងនេះ... បើដឹងថាខុសហើយ គួរតែដកថយទៅY/nកុំធ្វើបាបខ្លួនឯងទៀតអី Y/n:លោកនិយាយស្រួលណាស់ Bowen...លោកជាអ្នកទាញខ្ញុំចូលមកក្នុងពិភពលោករបស់លោក លោកជាអ្នកធ្វើល្អដាក់ខ្ញុំរហូត ប៉ុន្តែពេលនេះ លោកបែរជាមកប្រាប់ឱ្យខ្ញុំដកថយទាំងងាយៗបែបនេះទៅវិញហ្ហ? Bowen:ព្រោះវាជាវិធីតែមួយគត់ ដែលល្អសម្រាប់យើងទាំងពីរ...ត្រឡប់ទៅបន្ទប់វិញទៅ យប់ជ្រៅហើយ សម្តីរបស់bowen ធ្វើឱ្យអ្នកអស់សង្ឃឹមទាំងស្រុងអ្នកលែងចង់សួរ លែងចង់ដឹងពីហេតុផលអ្វីទាំងអស់ ចំណងទាក់ទងដែលខំសាងឡើង ទីបំផុតវាចាញ់ពាក្យថាកុងត្រាមួយម៉ាត់មែន Y/n:ល្អណាស់...ចាប់ពីពេលនេះទៅខ្ញុំនឹងមិនរំខានលោកទៀតទេមិនថាចំណងទាក់ទងឬក៏អារម្មណ៍ល្ងង់ខ្លៅរបស់ខ្ញុំ ក៏ខ្ញុំនឹងលុបវាចោលដែរលោកចង់បានបែបនេះមែនទេ?ខ្ញុំនឹងធ្វើតាមបំណងលោក និយាយចប់ អ្នកក៏ដើរបុកស្មារបស់គេរត់ត្រឡប់ចូលទៅក្នុងបន្ទប់វិញភ្លាមៗ រួចទាញទ្វារបិទគ្រាំងអ្នកទន់ជើងដួលអង្គុយចុះផ្អែកខ្នងនឹងទ្វារបន្ទប់ យំទាំងការឈឺចាប់ខ្លាំងបំផុត សំឡេងយំតិចៗរបស់អ្នក នៅខាងក្រៅទ្វារ...Bowen មិនទាន់ដើរចេញទៅណាឡើយគេដើរមកជិតទ្វារបន្ទប់របស់អ្នក លើកដៃបម្រុងនឹងគោះដើម្បីចូលទៅដែរប៉ុន្តែដៃនោះក៏ត្រូវទម្លាក់ចុះមកវិញយឺតៗគេបានត្រឹមតែផ្អែកក្បាលនឹងទ្វារបន្ទប់របស់ពីខាងក្រៅ សំឡេងយំរបស់អ្នកដែលបន្លឺចេញពីខាងក្នុងបន្ទប់ វាដូចជាមុខកាំបិតយ៉ាងមុតស្រួចដែលកំពុងតែចាក់ទម្លុះបេះដូងរបស់Bowenឱ្យខ្ទេចខ្ទីគ្មានសល់គេឈរធ្មឹងនៅមុខទ្វារ ស្ដាប់រាល់សំឡេងនៃការឈឺចាប់របស់អ្នក (Bowenនិយាយខ្សឹបៗម្នាក់ឯងទាំងអារម្មណ៍អួលណែន) Bowen:សុំទោសY/n...សុំទោសដែលធ្វើឱ្យនាងត្រូវយំដោយសារតែមនុស្សដូចជាខ្ញុំ... គេដឹងខ្លួនច្បាស់ណាស់ថាបើគេនៅតែបន្តផ្តល់ក្តីសង្ឃឹមឬបង្ហាញភាពទន់ជ្រាយនៅចំពោះមុខអ្នកវានឹងរឹតតែធ្វើឱ្យរឿងរ៉ាវគ្រប់យ៉ាងកាន់តែស្មុគស្មាញហើយអ្នកក៏នឹងរឹតតែឈឺចាប់នៅពេលដែលកុងត្រានោះត្រូវបញ្ចប់ គេសុខចិត្តធ្វើជាមនុស្សអាក្រក់ក្នុងកែវភ្នែករបស់អ្នកនៅថ្ងៃនេះ ប្រសើរជាងឃើញអ្នកត្រូវជួបគ្រោះថ្នាក់ឬខូចចិត្តខ្លាំងជាងនេះនៅថ្ងៃខាងមុខ Bowenឈរផ្អែកក្បាលនឹងទ្វារបែបនោះអស់ជាច្រើននាទី រហូតដល់សំឡេងយំរបស់អ្នកខាងក្នុងចាប់ផ្តើមស្ងាត់ទៅ ជំនួសមកវិញដោយភាពស្ងប់ស្ងាត់ទើបគេសម្រេចចិត្តដើរចេញទៅបន្ទប់ធ្វេីការរបស់គេទាំងល្វើយនិងអស់កម្លាំងចិត្ត Skip:ពេលព្រឹក នៅពេលអ្នកដើរចុះមកខាងក្រោម តុអាហារមានរៀបចំរួចជាស្រេចហើយ Bowenក៏កំពុងអង្គុយអានឯកសារនៅទីនោះដែរបើជាកាលពីមុនអ្នកច្បាស់ជាដើរទៅក្បែរគេនិយាយរញ៉េរញ៉ៃឬសួរនាំគេ ប៉ុន្តែពេលនេះ...គ្រប់យ៉ាងបានដាច់ស្រឡះ (អ្នកដើរកាត់តុអាហារដោយមិនមើលមុខគេសូម្បីតែបន្តិច) Bowen:មិនញ៉ាំអីបន្តិចទេហ្ហ? Y/u:មិនបាច់ទេ...ខ្ញុំមិនឃ្លានចាប់ពីពេលនេះទៅ រឿងផ្ទាល់ខ្លួនរបស់ខ្ញុំ លោកមិនបាច់បារម្ភទៀតឡើយ និយាយរួចអ្នកក៏ដេីរចេញទៅ ╰┈➤នៅក្រុមហ៊ុន នៅក្នុងការិយាល័យធ្វើការរបស់ Bowenថ្ងៃនេះមានសភាពគួរឱ្យខ្លាចខុសពីធម្មតាបុគ្គលិកគ្រប់គ្នាមិនហ៊ានសូម្បីតែដកដង្ហើមព្រោះតែទឹកមុខរបស់bowen ជំនួយការ:ចៅហ្វាយ...នេះជាឯកសារគម្រោងថ្មី... Bowen:យកទៅកែឡើងវិញ ស្ទើរគ្រប់កន្លែងទាំងអស់(គ្រវែងឯកសារលើតុទាំងមួរម៉ៅ) នៅពេលជំនួយការដើរចេញទៅ Bowenផ្អែកខ្នងនឹងកៅអី លើកដៃច្បូតមុខខ្លួនឯងទាំងនឿយហត់ក្នុងខួរក្បាលរបស់គេពេលនេះគ្មានរឿងការងារសូម្បីតែមួយភាគរយគឺមានតែមុខរបស់ Y/nដែលហើមភ្នែកកាលពីព្រឹក Skip:@ពេលល្ងាច(នៅភូមិគ្រឹះ) អ្នកត្រឡប់មកពីក្រៅវិញទាំងយប់ងងឹតតាមពិតទៅអ្នកមិនមានអីត្រូវធ្វើដល់យប់នោះទេ តែអ្នកគ្រាន់តែមិនចង់មកជួបមុខBowenតែប៉ុណ្ណោះ នៅពេលដើរចូលមកដល់ក្នុងផ្ទះអ្នកឃើញគេកំពុងអង្គុយនៅលើសាឡុងក្នុងបន្ទប់ទទួលភ្ញៀវ ហាក់ដូចជាកំពុងអង្គុយរង់ចាំអ្នក អ្នកធ្វើជាមើលមិនឃើញគេរៀបនឹងដើរឡើងទៅលើបន្ទប់ទៅហើយប៉ុន្តែ... Bowen:ត្រឡប់មកវិញហើយហ្ហ? ហេតុអ្វីបានជាយប់ម៉្លេះ?ទូរសព្ទក៏ខលមិនចូល... Y/n: «...»(អ្នកមិនតបថែមទាំងដើរថយក្រោយមួយជំហានដើម្បីរក្សាគម្លាតពីគេ) Bowen:Y/n...ខ្ញុំកំពុងនិយាយជាមួយនាងណាY/n...កុំធ្វើបែបនេះបានទេ?យើងនៅតែអាចនិយាយគ្នាធម្មតាបានតើ Y/u:និយាយគ្នាធម្មតា?លោកភ្លេចហើយហ្ហ អ្វីដែលលោកបានប្រាប់ខ្ញុំកាលពីយប់មិញ?លោកជាអ្នកចង់ឱ្យខ្ញុំដកថយ លោកជាអ្នកចង់ឱ្យរឿងគ្រប់យ៉ាងវាដាច់ស្រឡះ...ពេលនេះខ្ញុំធ្វើតាមបំណងលោកហើយតើលោកនៅចង់បានអ្វីទៀត? Bowen:ខ្ញុំ...ខ្ញុំគ្រាន់តែបារម្ភពីសុវត្ថិភាពរបស់នាង ត្រឡប់មកយប់ព្រលប់បែបនេះ វាមិនល្អទេ... Y/n:អរគុណសម្រាប់ក្តីបារម្ភ...តែចាប់ពីពេលនេះទៅវាមិនចាំបាច់ទៀតទេជីវិតខ្ញុំ ខ្ញុំអាចមើលថែខ្លួនឯងបាន(ផុសវីដេអូអត់ចង់កេីត😇💔) #កុងត្រាស្នេហ៍ #wenheng🐏💜 #chenyiheng_陈奕恒🌸💫 #yangbowen_杨博文🥑 - @bowen_yiheng18